కెనడా టొరంటో డుర్హం తెలుగు క్లబ్ ఆధ్వర్యంలో ఘనంగా అంబరాన్ని అంటిన దీపావళి సంబరాలు
తెలుగు క్లబ్ ఆధ్వర్యంలో కెనడా టొరంటో డుర్హం దీపావళి వేడుకలు కన్నుల పండుగ జరిగాయి. డుర్హం తెలుగు క్లబ్ నిర్వహించిన గ్రాండ్ దీపావళి వేడుకలకు 800 తెలుగు కుటుంబాలు విచ్చేసి అంగరంగ వైభవంగా దీపావళి వేడుకలు జరుపుకున్నారు.
విధాత: తెలుగు క్లబ్ ఆధ్వర్యంలో కెనడా టొరంటో డుర్హం దీపావళి వేడుకలు కన్నుల పండుగ జరిగాయి. డుర్హం తెలుగు క్లబ్ నిర్వహించిన గ్రాండ్ దీపావళి వేడుకలకు 800 తెలుగు కుటుంబాలు విచ్చేసి అంగరంగ వైభవంగా దీపావళి వేడుకలు జరుపుకున్నారు. భారతీయ సాంస్కృతిక కార్యక్రమాలతో, ఆటపాటలతో చిన్నారులు అలరించారు.
న‌గ‌రంలో ప్రసిద్ధి గాంచిన "గెట్ హోమ్ రియాల్టీ" అధినేతలు ఆనంద్ పేరిచర్ల, రమేష్ గోల్లు, రఘు జూలూరి ఈ కార్యక్రమానికి చేయూత అందించారు. ఈ వేడుకలకు ముఖ్య అతిధులుగా విత్బ్య్ నగర ఎంపీపీ లాన్ కాయ్, డిప్యూటీ మేయర్ మలీహా షాహిద్ విచ్చేసారు. ఇంత కన్నుల పండుగ వేడుకలు నిర్వహిస్తున్న డీటీసీ కార్య సభ్యులను, వాలంటీర్‌లను అభినందించారు.
ఈ కార్యక్రమంలో ఎంటర్ ప్రూనేర్ అఫ్ ది ఇయర్‌గా అవంత్ సోలుషన్స్ అధినేత శ్రీనివాస్ వర్మ అట్లూరి ఎంపిక కాగా వారికి ఎంపీపీ లానే కాయ్ అవార్డును అందచేసి సత్కరించారు. ఏకో ఫ్రెండ్లీ రోల్ మోడల్‌గా సాయి మోహన శర్మ ఎంపిక అయ్యారు. డీటీసీ కార్యవర్గ సభ్యులు సత్కారాలను అందచేశారు.
ప్రముఖ కూచిపూడి నృత్య విద్యాలయ అధినేత సుధా వేమూరి ఆధ్వర్యంలో నిర్వహించిన కూచిపూడి నృత్యాలు అతిధులని అలరించాయి. ఈ దీపావళి వేడుకలో ప్రత్యేక అతిధులుగా డుర్హం హైద్రాబాదీ అసోసియేషన్ సభ్యులు విచ్చేసి ప్రత్యేక శుభాకాంక్షలు తెలియచేసారు. ఈ కార్యక్రమానికి డుర్హం తెలుగు క్లబ్ ప్రెసిడెంట్ నర్సింహా రెడ్డి, గుత్తిరెడ్డి మరియు డైరెక్టర్స్ రవి మేకల, వెంకట్ చిలువేరు, శ్రీకాంత్ సింగిసేతి, రమేష్ ఉప్పలపాటి, గుణ శేఖర్ రెడ్డి, గౌతమ్ పిడపర్తి, సర్దార్ ఖాన్, వాసు, కమల మూర్తి, యుగి చెరుకూరి మరియు శివ హాజరు అయ్యారు.
డుర్హం తెలుగు కెనడా క్లబ్ ప్రెసిడెంట్ నర్సింహా రెడ్డి దీపావళి సంస్కృతిని చక్కగా వివరించి ఈ వేడుకలను విజయవంతం చేసిన తెలుగు వారందరికీ కృతజ్ఞతలు తెలిపారు. వెంకట్ చిలువేరు మాట్లాడుతూ దీపావళి వేడుకలు ఖండాంతరాలు దాటి మన తెలుగు సంస్కృతిని ఇనుమడింప చేసిన ప్రతి తెలుగు వారికి హృదయపూర్వక అభినందనలు తెలిపారు.
800 మందికి పైగా తెలుగు కుటుంబాలు ఒక చోట కలుసుకొని పండగ చేసుకోవడం ఎంతో సంతోషంగా ఉందని అందరూ అభిప్రాయపడ్డారు. చివరగా డుర్హం తెలుగుకెనడా క్లబ్ స్పాన్సర్లకు ముఖ్యంగా ఈ కార్యక్రమం స్పాన్సర్లకు మరియు వాలంటీర్లకు కృతజ్ఞతలు తెలుపుతూ, షడ్రసోపేతమైన వంటకాలతో అతిదులందరూ విందు ఆరగించి.కార్యక్రమాన్ని ముగించారు. ఈ సందర్భంగా డీటీసీఈసీ టీమ్ ఫుడ్ డ్రైవ్ చేసి ఫుడ్ ఐటమ్స్ ని సాల్వేషన్ ఆర్మీ కమ్యూనిటీ సర్వీస్ టీమ్ కి అందచేసారు.
