Wednesday, December 7, 2022
More
    Homelatestషాకింగ్.. ఫోన్ కొంటాను.. నా రక్తం కొనుక్కోండి.. ఓ బాలిక వేడుకోలు

    షాకింగ్.. ఫోన్ కొంటాను.. నా రక్తం కొనుక్కోండి.. ఓ బాలిక వేడుకోలు

    Smart Phone | ప్రస్తుతం ప్రతి ఒక్కరి చేతిలో స్మార్ట్ ఫోన్ ఉంటుంది. స్కూల్ పిల్లల నుంచి మొదలుకొంటే ముసలి వాళ్ల వరకు స్మార్ట్ ఫోన్ ను మెయింటెన్ చేస్తున్నారు. ఇలాంటి పరిస్థితుల్లో స్మార్ట్ ఫోన్ లేకపోతే ఏదో చిన్నతనంగా భావిస్తున్నారు. అలా భావించిన ఓ బాలిక స్మార్ట్ ఫోన్ ను కొనుక్కునేందుకు తన రక్తాన్ని అమ్మకానికి పెట్టింది. ఈ షాకింగ్ ఘటన పశ్చిమ బెంగాల్ లోని బాలుర్ ఘాట్ జిల్లా ఆస్పత్రిలో వెలుగు చూసింది.


    వివరాల్లోకి వెళ్తే.. తపాన్ కు చెందిన ఓ బాలిక 12వ తరగతి చదువుతోంది. ఆమె తండ్రి కూరగాయల వ్యాపారం చేస్తూ కుటుంబాన్ని పోషిస్తున్నాడు. తల్లి ఇంట్లోనే ఉంటుంది. తన ఇంట్లో ఎవరికి కూడా స్మార్ట్ ఫోన్ లేదు. దీంతో ఆ బాలిక స్మార్ట్ ఫోన్ కొనాలని నిర్ణయించుకుంది. ఫ్రెండ్ సహాయంతో ఆన్ లైన్ లో రూ. 9 వేల విలువ చేసే ఫోన్ ను ఆర్డర్ చేసింది. కానీ తన దగ్గర అన్ని డబ్బులు లేవు. తన రక్తాన్ని అమ్మి, ఆ డబ్బులతో ఫోన్ కొనాలని నిర్ణయించింది.


    దీంతో తన గ్రామానికి 30 కిలోమీటర్ల దూరంలో ఉన్న బాలుర్ ఘాట్ జిల్లా ఆస్పత్రికి వెళ్లింది. తన తమ్ముడు అనారోగ్యానికి గురయ్యాడు. డబ్బులు అవసరం ఉన్నాయి. తన రక్తాన్ని తీసుకొని డబ్బులివ్వండి అని ఆస్పత్రి సిబ్బందిని ఆ బాలిక ప్రాధేయపడింది. అనుమానం రావడంతో వారు చైల్డ్ వెల్ఫేర్ కమిటీకి సమాచారం అందించారు. అధికారులు వచ్చి విచారించగా.. ఆ అమ్మాయి అసలు విషయం చెప్పింది. స్మార్ట్ ఫోన్ ఆర్డర్ చేశాను. ఆ ఫోన్ ను కొనేందుకు రక్తాన్ని అమ్మాలని నిర్ణయించుకున్నానని తెలిపింది. దీంతో ఆస్పత్రి సిబ్బంది, అధికారులు షాక్ కు గురయ్యారు. బాలికకు కౌన్సెలింగ్ నిర్వహించి, తల్లిదండ్రులకు అప్పగించారు.

    RELATED ARTICLES

    Latest News

    Cinema

    Politics

    Most Popular

    You cannot copy content of this page