Saturday, January 28, 2023
More
    Homeతెలంగాణ‌కలిసికట్టుగా 'కంటి వెలుగు'ను విజ‌య‌వంతం చేయాలి

    కలిసికట్టుగా ‘కంటి వెలుగు’ను విజ‌య‌వంతం చేయాలి

    • ప్రజాప్రతినిధులను భాగస్వామ్యం చేయాలి
    • కంటి వెలుగు సన్నద్ధ సమావేశంలో మంత్రులు ఎర్రబెల్లి, స‌త్య‌వ‌తి

    విధాత, వరంగల్: కంటి వెలుగు రెండో దశ కార్యక్రమాన్ని కలిసికట్టుగా పనిచేసి విజయవంతం చేయాలని రాష్ట్ర పంచాయతీరాజ్, గ్రామీణాభివృద్ధి మరియు గ్రామీణ నీటి సరఫరా శాఖల మంత్రి ఎర్రబెల్లి దయాకర్ రావు, రాష్ట్ర గిరిజన, స్త్రీ శిశుసంక్షేమశాఖ మంత్రి సత్యవతి రాథోడ్ అన్నారు.

    తెలంగాణలో అంధత్వ నివారణ లక్ష్యంగా చేపట్టిన కంటి వెలుగు సన్నద్ధ సమావేశాలు గురువారం జరిగాయి. వరంగల్, హనుమకొండ, జనగామ జిల్లాల సమావేశాలు మంత్రి ఎర్రబెల్లి, భూపాలపల్లి జిల్లాలో మంత్రి సత్యవతి అధ్యక్షతన కలెక్టరు కార్యాలయాల్లో నిర్వహించారు.

    మంత్రి ఎర్రబెల్లి దయాకర్ రావు మాట్లాడుతూ కంటివెలుగు మొదటి దశ బాగా సక్సెస్ అయ్యిందన్నారు. పెన్షన్లకు వచ్చిన రెస్పాన్స్ కంటే ఎక్కువ వస్తుందన్నారు. శని, ఆదివారం తప్ప వారంలో అన్ని రోజుల్లో క్యాంప్స్ ఉంటాయని చెప్పారు. ఈ కార్యక్రమం ఫెయిల్ అయితే ప్రజా ప్రతినిధులు, అధికారులు ఫెయిల్ అయినట్లేనని ఎర్రబెల్లి అన్నారు.

    గిరిజన సంక్షేమ శాఖ మంత్రి సత్యవతి రాథోడ్ మాట్లాడుతూ ప్రజా ప్రతినిధులు, అధికారులు సమన్వయం చేసుకుని విజయవంతం చేయాలని కోరారు. కంటి క్యాంప్ లను సక్సెస్ చేయాలన్నారు.
    గ్రామ సర్పంచ్, కార్యదర్శి, సఫాయి కార్మికులు అంతా క్యాంప్ జరిగే రోజు అక్కడే ఉండాలని, వసతులు అన్ని కల్పించాలని సూచించారు.

    మేయర్ గుండు సుధారాణి మాట్లాడుతూ కంటి వెలుగు కార్యక్రమం ద్వారా చిన్న పిల్లల నుండి పెద్దల వరకు వారి సమస్య లు తీరేలా కృషి చేస్తామన్నారు. ఎమ్మెల్సీ కడియం శ్రీహరి మాట్లాడుతూ కంటివెలుగు స్క్రినింగ్ టెస్ట్ లకు వెళ్ళే వారు నిపుణులు అయ్యి ఉండాలన్నారు.

    జడ్పీ ఛైర్ పర్సన్ గండ్ర జ్యోతి మాట్లాడుతూ ప్రతీ గ్రామంలో ఫ్లెక్సీ పెట్టి క్షేత్ర స్థాయిలో విస్తృత అవగాహన కల్పిస్తామ‌న్నారు. నర్సంపేట ఎమ్మెల్యే పెద్ది సుదర్శన్ రెడ్డి మాట్లాడుతూ కంటి వెలుగు కార్యక్రమాన్ని ఎక్కువ గ్రామీణ ప్రాంతాల్లో అమలుచేసి, అందుకు అదనపు సౌకర్యాలు కల్పించాలన్నారు.

    సమావేశంలో వరంగల్ ఎంపీ పసునూరి దయాకర్, హనుమకొండ జిల్లా జెడ్పీ చైర్మన్ సుధీర్ కుమార్, కుడా చైర్మన్ సుందర్ రాజ్ యాదవ్, ఎమ్మెల్యేలు చల్లా ధర్మారెడ్డి, నన్నపనేని నరేందర్, గండ్ర రమణారెడ్డి, వొడితెల సతీష్, అరూరి రమేష్, రుణ విమోచనా కమిషన్ చైర్మన్ నాగుర్ల వెంకన్న, నర్సంపేట జెడ్పీ ఫ్లోర్ లీడర్ పెద్ది స్వప్న, కలెక్టర్లు రాజీవ్ గాంధీ హనుమంతు, ఎన్.గోపి, శివలింగయ్య. భవేష్‌మిశ్రా, జిల్లాల అధికారులు, మున్సిపల్ చైర్మన్లు, స్థానిక సంస్థల ప్రతినిధులు, అధికారులు పాల్గొన్నారు.

    RELATED ARTICLES

    Latest News

    Cinema

    Politics

    Most Popular