Saturday, January 28, 2023
More
    Homelatestన‌రేష్. కొడుకు ముందే పోర్న్ చూసేవాడు: రమ్యర‌ఘుప‌తి

    న‌రేష్. కొడుకు ముందే పోర్న్ చూసేవాడు: రమ్యర‌ఘుప‌తి

    నేను విడాకులు ఇవ్వ‌ను..పెళ్లి ఎలా చేసుకుంటాడో చూస్తా

    విధాత‌: సీనియర్ నరేష్ పవిత్ర లోకేష్ వివాహం చేసుకుంటున్నామని ప్రకటించిన తర్వాత మధ్యలో ఆయన మూడవ భార్య రమ్య రఘుపతి వచ్చి నరేష్‌పై తీవ్ర పదజాలంతో ఆరోపణలు చేస్తోంది. నరేష్ తనను వదిలించుకోవడానికి దారుణాలకు ఎన్నో అకృత్యాలకు పాల్పడ్డాడని ఆమె ఆరోపించింది. త‌ను న‌రేష్ ఆస్థిని కోరుకోవ‌డం లేదని ఇక నరేష్ తనకు గ్యారంటీర్‌గా ఉండి ఏమీ అప్పులు ఇప్పించలేదని ఆమె చెబుతోంది.

    కేవలం తన వ్యాపారం దెబ్బతినడంతో మాత్రమే త‌న త‌ల్లి ఫ్లాట్‌ని కుదువ పెట్టాన‌ని, అంతకుమించి నరేష్ నుంచి తనకు ఏమీ ఆర్థికంగా సాయం లభించలేదని చెప్పింది. తన కొడుకు మెయింటైనెన్స్ కోసం ఒకప్పుడు 50,000 ఇప్పుడు 70000 ఇస్తున్నాడని తెలియజేసింది. అది కూడా మూడేళ్ల నుంచే అని స్ప‌ష్టం చేసింది.

    తన నుంచి విడాకులు తీసుకోవడం కోసం ఏకంగా తనకు తండ్రి లాంటి కృష్ణతో తనకు అక్రమ సంబంధం అంటగట్టాడని ఆమె ఆరోపించింది. కృష్ణ‌కు నా వలన ప్రాణహాని ఉందని ఓ లెటర్‌ను తయారు చేసి దానిని కృష్ణ రాసిన‌ట్లుగా చూపించి ఆయన సంతకాన్ని ఫోర్జరీ చేసి కంప్లైంట్ కూడా ఇచ్చారని ఆమె తీవ్రంగా మండిపడింది.

    కానీ కేవలం కృష్ణ గారి ఫ్యామిలీ మంచితనాన్ని చెడగొట్టడం ఇష్టం లేకనే తాను ఇంతకాలం మౌనంగా ఉన్నానని ఆమె చెప్పుకొచ్చింది. తాను నరేష్ నుంచి విడాకులు కోరుకోవడం లేదని కేవలం తన కుమారుడు తండ్రి కావాలి అంటున్నాడు కాబట్టి అతని కోసం నరేష్‌కు విడాకులిచ్చే ప్రశ్న లేదంటోంది.

    తాను విడాకులు ఇవ్వందే నరేష్ పవిత్ర లోకేష్‌ను ఎలా వివాహం చేసుకుంటాడు? అని ప్రశ్నిస్తోంది. తాజాగా ఈమె మరో వాదన వినిపించింది. ఆమె మాట్లాడుతూ న‌రేష్ పెద్ద ఉమ‌నైజ‌ర్. అతనికి అమ్మాయిల పిచ్చి ఉంది. పలుమార్లు దొరికిపోయాడు. ఇలా అక్రమ సంబంధాలతో పట్టుబడినప్పుడు నరేష్ నా కాళ్లు పట్టుకొని వేడుకునేవాడు.

    అక్రమ సంబంధం బయటపడిన తర్వాత రెండు మూడు నెలలు బాగా ఉండేవాడు. సారీ చెప్పడం, బతిమ‌లాడు కోవడం చేస్తాడు. తల్లి విజయనిర్మల చనిపోక ముందు అతని ఆగడాలు ఇంతగా లేవు. తన తల్లిని చూసి కాస్త భయపడే వాడు. కానీ ఆమె మరణించిన తర్వాత అతని ఆగడాలు ఎక్కువైపోయాయి. ఆయన విచ్చలవిడి వ్యవహారాలను ప్రశ్నించే వారు లేకుండా పోయారు.

    పవిత్ర లోకేష్‌కు దగ్గర కావడానికి, ఎఫైర్ పెట్టుకోవడానికి విజయనిర్మల లేకపోవడమే ఆయనకు బలం మారింది. ఇలాంటి పరిస్థితులే మున్ముందు తీవ్ర రూపం దాల్చి పెద్ద వివాదానికి దారితీసాయని ర‌మ్య రఘుపతి వెల్లడించింది. మరి ఇంత చెడ్డ వాడైనప్పటికీ నరేష్ ని కోరుకోవడానికి ఒకే ఒక్క రీజ‌న్ నేను భార్యను కాబట్టి. అలాగే నా కొడుకు నాకు నాన్న కావాల‌ని అంటున్నాడు.

    న‌రేష్ మా కొడుకు ముందే పోర్న్ వీడియోలు చూసేవాడు. దాంతో డాడీ ఇలా చెత్త వీడియోలు చూస్తున్నాడని, డర్టీ వీడియోలు చూస్తూ నా ముందే వాటిని ఎంజాయ్ చేస్తున్నాడని నా కుమారుడు నాకు సీరియస్‌గా చెప్పేవాడు. ఏది ఏమైనా నేను విడాకులు ఇవ్వందే నరేష్ పవిత్రాలోకేష్‌ల వివాహం జరగదని ఆమె బలంగా చెప్తోంది. తాను విడాకులు ఇస్తానంటే నరేష్ కోట్లు ఇవ్వడానికైనా సిద్ధమని కానీ అవి నాకు అవసరం లేదని ఆమె తెలియజేసింది.

    RELATED ARTICLES

    Latest News

    Cinema

    Politics

    Most Popular