Polyset | పాలిసెట్.. తుది దశ ప్రవేశాల నోటిఫికేషన్ విడుదల

Polyset |

• ఆగస్టు 30 నుంచి సర్టిఫికెట్ల పరిశీలన

విధాత: పాలిసెట్ తుది దశ అడ్మిషన్ల ప్రక్రియ ఆగస్ట్ 30 నుంచి ప్రారంభం కానుందని సాంకేతిక విద్యాశాఖ కమిషనర్, పాలిటెక్నిక్ అడ్మిషన్ల కన్వీనర్ చదలవాడ నాగరాణి తెలిపారు. మంగళవారం ఇందుకు సంబంధించిన నోటిఫికేషన్ అందుబాటులో రానుందన్నారు.

విద్యార్థులు ఆగస్టు 30 నుంచి సెప్టెంబర్ 1 వరకు ఫీజు చెల్లింపు, సర్టిఫికెట్ ల పరిశీలన పూర్తి చేసుకోవలసి ఉందన్నారు. సెప్టెంబర్ 2వ తేదీ లోపు నాలుగు రోజుల వ్యవధిలో ఐచ్ఛికాల ఎంపిక పూర్తి చేయాలని కన్వీనర్ స్పష్టం చేశారు.

సెప్టెంబర్ 4 వ తేదీన సీట్ల కేటాయింపు జరుగుతుందని వివరించారు. సెప్టెంబర్ 4 నుంచి 7 వరకు నాలుగు రోజుల వ్యవధిలో విద్యార్థులు అయా కళాశాలల్లో రిపోర్టు చేయాల్సి ఉంటుందన్నారు. క్లాసులు ఇప్పటికే ప్రారంభం అయినందున విద్యార్థులు వేగంగా ప్రవేశాలు పొందాలని సూచించారు.