Cracker Ban | ఢిల్లీలో పటాకుల అమ్మకాలపై నిషేధం
Cracker Ban కాలుష్య నియంత్ర‌ణ‌కు రాష్ట్ర ప్రభుత్వం నిర్ణయం 'శీతాకాల కార్యాచరణ ప్రణాళిక'లో భాగంగా అమలు ఢిల్లీ పర్యావరణశాఖ మంత్రి గోపాల్ రాయ్ వెల్ల‌డి విధాత: దేశ రాజ‌ధానిలో కాలుష్యాన్ని అరికట్టేందుకు ఢిల్లీ ప్రభుత్వం పటాకుల అమ్మకాలపై నిషేధం విధించింది. చలికాలంలో కాలుష్య స్థాయి పెరిగిపోతున్న కార‌ణంగా అన్ని రకాల క్రాకర్స్‌పై నిషేధం విధిస్తూ కేజ్రీవాల్ స‌ర్కారు నిర్ణయం తీసుకున్న‌ది. వివిధ కారణాల వల్ల డిసెంబర్ -జనవరిలో గరిష్ఠ స్థాయికి చేరుకునే కాలుష్యాన్ని నియంత్రించే లక్ష్యంతో ‘శీతాకాల […]
Cracker Ban
- కాలుష్య నియంత్ర‌ణ‌కు రాష్ట్ర ప్రభుత్వం నిర్ణయం
- 'శీతాకాల కార్యాచరణ ప్రణాళిక'లో భాగంగా అమలు
- ఢిల్లీ పర్యావరణశాఖ మంత్రి గోపాల్ రాయ్ వెల్ల‌డి
విధాత: దేశ రాజ‌ధానిలో కాలుష్యాన్ని అరికట్టేందుకు ఢిల్లీ ప్రభుత్వం పటాకుల అమ్మకాలపై నిషేధం విధించింది. చలికాలంలో కాలుష్య స్థాయి పెరిగిపోతున్న కార‌ణంగా అన్ని రకాల క్రాకర్స్‌పై నిషేధం విధిస్తూ కేజ్రీవాల్ స‌ర్కారు నిర్ణయం తీసుకున్న‌ది.
వివిధ కారణాల వల్ల డిసెంబర్ -జనవరిలో గరిష్ఠ స్థాయికి చేరుకునే కాలుష్యాన్ని నియంత్రించే లక్ష్యంతో ‘శీతాకాల కార్యాచరణ ప్రణాళిక’లో భాగంగా ఢిల్లీ ప్రభుత్వం ఈ నిర్ణయం తీసుకున్నట్టు ఢిల్లీ పర్యావరణ మంత్రి గోపాల్ రాయ్ చెప్పారు.
#WATCH | On Delhi firecracker ban, Delhi Environment Minister Gopal Rai says, "CM Arvind Kejriwal has decided that firecrackers should be banned on the occasion of Diwali to control pollution. Manufacturing, storage, sale, online delivery and bursting of any type of firecrackers… pic.twitter.com/jQcvSGV8hR
— ANI (@ANI) September 11, 2023
సోమ‌వారం ఆయ‌న ఢిల్లీలో మీడియాతో మాట్లాడుతూ.. “కాలుష్యాన్ని నియంత్రించేందుకు దీపావళి సందర్భంగా పటాకులను నిషేధించాలని సీఎం అరవింద్ కేజ్రీవాల్ నిర్ణయించారు. ఢిల్లీలో ఏ రకమైన పటాకుల తయారీ, నిల్వ, అమ్మకం, ఆన్‌లైన్ డెలివరీ, పేల్చడం పూర్తిగా నిషేధించబడింది ” అని వెల్ల‌డించారు.
ఢిల్లీ కాలుష్య నియంత్రణ కమిటీ (డీపీసీసీ) తరపున లైసెన్సులు మంజూరు చేయబోమని సర్క్యులర్ జారీ చేయాలని ఢిల్లీ-ఎన్‌సీఆర్‌లోని పోలీసులకు సూచించినట్టు మంత్రి తెలిపారు. పండుగలు జరుపుకోవడం ముఖ్య‌మే కానీ, పర్యావరణ సంరక్షణ కూడా అంతే ముఖ్య‌మ‌ని, పేర్కొన్నారు. అందుకే రెండేండ్లుగా ఢిల్లీలో ఈ నిర్ణయం తీసుకున్నామని, ఢిల్లీ ప్రజలు తమకు అండగా నిలుస్తున్నారని మంత్రి తెలిపారు.
