విధాత: డైరెక్టర్ రామ్ గోపాల్ వర్మ తరచూ వార్తల్లో ఉండాలని కోరుకుంటారు. రాజకీయాలు, సినిమాలు ఇలా సామజిక అంశాలన్నిటి మీదా బాగా యాక్టివ్ గా ఉంటూ తరచూ ట్విట్టర్, ఫెసుబుక్కులో స్పందించే ఆర్జీవీ ఆమధ్య టీడీపీ, లోకేష్, చంద్రబాబు, మెగాస్టార్ చిరంజీవి, పవన్ కళ్యాణ్ వంటి వారి మీద ట్వీట్స్ చేస్తూ హడావుడి చేశారు.
ఇప్పుడు ఆయన దృష్టి సీనియర్ కాంగ్రెస్ నాయకుడు వీ హనుమంత రావు మీదకు మళ్లింది.. తాతయ్యా అంటూ ఆయన్ను వెక్కిరించడం మొదలెట్టాడు. వాస్తవానికి వీహెచ్ ఓ సభలో మాట్లాడుతూ మొన్నామధ్య నాగార్జున యూనివర్సిటీలో ఆర్జీవీ విద్యార్థులతో మాట్లాడుతూ చేసాడని చెబుతున్న కొన్ని వ్యాఖ్యలను ఉటంకించారు.
తాగండి, అమ్మాయిలతో ఎంజాయ్ చేయండి, స్వర్గంలో ఉన్నవన్నీ భూమ్మీద చేయండి అని ఆనాడు ఆర్జీవీ విద్యార్థులకు హితబోధ చేసినట్లు సోషల్ మీడియాలో పోస్టింగులు వెల్లువెత్తాయి.. విద్యార్థులకు చెప్పేది ఇదేనా.. వారిని దారి తప్పిస్తున్నారు అంటూ కొందరు ఆర్జీవీ మీద విరుచుకు పడ్డారు.
ఓ తాతగారూ మీరింకా వున్నారా??? https://t.co/iLNuYnFqtw NASA యాక్ట్ వర్తించదు TADA యాక్ట్ ని 1995 లోనే తీసేశారు.. ఇది కూడా తెలియని మీ లాంటి లీడర్స్ మూలానే కాంగ్రెస్ కి ఆ గతి.. ఒక సారి డాక్టర్ కి చూపించుకొండి😘😘😘 pic.twitter.com/eQAOCkByrh
— Ram Gopal Varma (@RGVzoomin) March 19, 2023
అచ్చం ఇదే అంశాలను వీహెచ్ మళ్ళీ ఉటంకింస్తూ ఆర్జీవీ తీరును తప్పు బడుతూ ఆయన మీద చర్యలు తీసుకోవాలని ఆంధ్ర ముఖ్యమంత్రి వైఎస్ జగన్మోహన్ రెడ్డిని కోరారు. అంతేకాకుండా వర్మ మీద టాడా , పీడీ, నాసా చట్టాలకు ప్రయోగించాలని వీహెచ్ కోరారు.
దీనికి వర్మ ట్విట్టర్ వేదికగా మళ్ళీ స్పందించి సీనియర్ నాయకుడి మీద ఎదురుదాడి చేశారు. తాతయ్యా మీరింకా బతికే ఉన్నారా.. ఎవరి మీద ఎం కేసులు పెడతారో తెలీదా అంటూ మళ్ళీ కామెంట్స్ చేశారు. ఇవిప్పుడు ట్విట్టర్లో వైరల్ అయ్యాయి. మొత్తానికి ఆర్జీవీ కుదురుగా ఉండరు.. ఎవర్నీ కుదురుగా ఉండనివ్వరు అని సోషల్ మీడియా యువత కామెంట్స్ చేస్తున్నారు.
