హనీమూన్ లేదా ఏ ఇతర ప్రయాణానికైనా హోటల్ గది తప్పనిసరి. అయితే, హోటల్‌లో బస చేస్తున్నప్పుడు జంటలు కొన్ని విషయాలను గుర్తుంచుకోవాలి.
దుప్పటి : హోటల్ గదుల్లోని దుప్పట్లను సంవత్సరానికి కేవలం 4 సార్లు మాత్రమే మారుస్తారట. ఈ సమయంలో ఆ దుప్పటిపై ఎంత మంది నిద్రించి ఉంటారో,
వారు ఏమి చేసి ఉంటారో చెప్పలేము. కాబట్టి, హోటల్‌కు వెళ్లినప్పుడు వీలైతే మీ సొంత దుప్పటిని తీసుకెళ్లడం ఉత్తమం. లేదంటే, వాటిని ఉపయోగించకుండా ఉండటం మంచిది.
దిండు కవర్లు : దిండు కవర్లను కూడా సరిగ్గా ఉతకరు. వాటిపై ఉన్న దుమ్మును మాత్రమే శుభ్రం చేసి మళ్లీ ఉపయోగిస్తారు. అవి మీకు శుభ్రంగా కనిపించినప్పటికీ, చాలా మంది వాటిని ఉపయోగించి ఉంటారు.
టీవీ రిమోట్: హోటల్ గదిలోకి వెళ్లగానే చాలా మంది రిమోట్‌ను పట్టుకుని టీవీ ఆన్ చేస్తారు. కానీ, ఈ రిమోట్‌లపై ఎక్కువ బ్యాక్టీరియా ఉండే అవకాశం ఉంది.
ఎందుకంటే, కొంతమంది రిమోట్‌ను బాత్‌రూమ్‌లో కూడా ఉంచుతారు, అపరిశుభ్రమైన ప్రదేశాలలో పెడతారు, చేతులు కడుక్కోకుండా తాకుతారు.
టెలిఫోన్: హోటల్ గదిలో టెలిఫోన్ ఉంటుంది. ఈ టెలిఫోన్‌ను అనేక మంది తాకి ఉంటారు. టెలిఫోన్‌ను రోజువారీగా శుభ్రం చేయడం అంత సులభం కాదు. దీనిపై కూడా బ్యాక్టీరియా అధికంగా ఉండే అవకాశం ఉంది.
గ్లాసులు, కాఫీ మగ్‌లు: హోటల్ గదుల్లో నీరు తాగడానికి గ్లాసులు, కాఫీ లేదా టీ కోసం మగ్గులు/కప్పులు ఉంచుతారు. కొంతమంది హోటల్ సిబ్బంది వీటిని సరిగ్గా కడగకుండానే శుభ్రం చేసి పెడతారట.
హెయిర్ డ్రైయర్: హోటల్ అందించే హెయిర్ డ్రైయర్‌ను కూడా చాలా మంది ఉపయోగిస్తారు. ఇది కూడా తరచుగా శుభ్రం చేయబడని వస్తువు కాబట్టి, జాగ్రత్తగా ఉండాలి.