Devara Movie Leaked | జూనియర్‌ ఎన్టీఆర్‌ కథానాయకుడిగా.. కొరటాల శివ దర్శకత్వంలో వచ్చిన మూవీ దేవర. రెండు భాగాలుగా తెరకెక్కుతున్న విషయం తెలిసిందే. తొలి పార్ట్‌ ఈ నెల 27న ప్రపంచవ్యాప్తంగా విడుదలైంది. భారీ అంచనాల మధ్య రిలీజైన ఈ మూవీ పాజిటివ్‌ టాక్‌తో దూసుకుపోతున్నది. కలెక్షన్ల పరంగా సెన్సేషన్‌ క్రియేటివ్‌ చేసే అవకాశం ఉన్నది. చాలారోజుల తర్వాత జూనియర్‌ ఎన్టీఆర్‌ సోలో హీరోగా నటించిన చిత్రం కావడం.. రాజమౌళి దర్శకత్వంలో వచ్చిన మూఈ కావడంతో యావత్‌ ప్రపంచవ్యాప్తంగా అభిమానులు మూవీ కోసం ఎదురుచూశారు. ఇక దసరాకి భారీ సినిమాలు విడుదలయ్యే అవకాశాలు లేవు. డిసెంబర్‌ 6న పుష్ప-2 మూవీ విడుదల కానున్నది. ఈ క్రమంలో భారీగా వసూళ్లు రాబట్ట వచ్చని టాక్‌ నడుస్తున్నది. ఈ క్రమంలో దేవర మూవీ టీమ్‌కు భారీ షాక్‌ తగిలింది. ఈ చిత్రం విడుదలైన కొద్ది గంటల్లోనే హెచ్‌డీ ప్రింట్‌ ఆన్‌లైన్‌లో లీక్‌ అయ్యింది.
దాదాపు మూడు గంటల రన్‌టైమ్‌తో రాగా.. మూవీ మొత్తాన్ని ఆన్‌లైన్‌లో పెట్టేయడంతో టీమ్‌ దిగ్భ్రాంతికి గురైంది. పైరసీ బారి నుంచి దేవర ఎలా బయటపడతాడన్నది సర్వత్రా చర్చనీయాంశంగా మారింది. మూవీ కథనం విషయానికి వస్తే.. ఎర్ర సముద్రం చుట్టూ ఉంటే నాలుగు గ్రామాలకు దేవర మాటే శాసనం. అక్కడి కొద్దిరోజులుగా సముద్రం నుంచి కొన్ని వస్తువులను తరలిస్తూ వచ్చే దేవర.. ఇక ఆ పని తప్పని తెలుసుకుంటాడు. తనతో ఉన్న వారిని సైతం అటువైపుగా వెళ్లొదని చెబుతాడు. కానీ, కొందరు డబ్బుకు ఆశపడి బైరా (సైఫ్‌ అలీఖాన్‌)తో చేతులు కలిపి అక్రమాలకు పాల్పడుతుంటారు. సముద్రం వైపు వెళ్లే వారిని అందరిని శిక్షిస్తూ వచ్చే దేవర కొద్ది రోజులకు ఊరికి దూరంగా ఉంటాడు. ఎన్టీఆర్‌ ద్విపాత్రాభినయం చేసిన విషయం తెలిసిందే. దేవర కొడుకుగా వరం పాత్రలో సైతం కనిపిస్తాడు. తండ్రి కోసం వరం ఏం చేశాడన్నది మూవీలో సినిమా చూడాల్సిందే. ఈ మూవీలో బాలీవుడ్‌ బ్యూటీ, అలనాటి అందాల శ్రీదేవి తనయ జాన్వీ కపూర్‌ హీరోయిన్‌గా నటించింది.