- సెప్టెంబర్‌లో ‘ఐఫోన్ 17 ఎయిర్’ విడుదల!
- మిగతా ఐఫోన్ 17లతో పాటే రంగప్రవేశం
- సామ్సంగ్ గెలాక్సీ ఎడ్జ్ కంటే తక్కువ మందం.
అమెరికా, కూపర్టినో: సెప్టెంబర్ 2025లో ఆపిల్ భారీ విప్లవాన్ని తెచ్చేలా సిద్ధమవుతోంది. ఈ ఏడాది ‘iPhone 17 Air’ పేరిట కంపెనీ అత్యంత పలుచటి ఐఫోన్‌ను ప్రవేశపెట్టనుంది. ఇది గత ఐఫోన్‌లతో పోలిస్తే పూర్తిగా కొత్త రూపాన్ని, డిజైన్‌ను కలిగి ఉండనుందని విశ్వసనీయ వర్గాలు పేర్కొంటున్నాయి. ఈసారి విడుదల కాబోతున్న ఐఫోన్ 17 సిరీస్లో భాగంగా, ఐఫోన్ 17, ఐఫోన్ 17 ప్రొ, ఐఫోన్ 17 ప్రొ మ్యాక్స్లతో పాటు ఐఫోన్ 17 ఎయిర్ కూడా ఉంటుంది.
డిజైన్‌లో విప్లవం – కేవలం 5.5mm మందం
‘ఐఫోన్ 17 ఎయిర్ – (iPhone 17 Air)’ మందం కేవలం 5.5mm మాత్రమే ఉండనుంది. ఇది ఇప్పటి వరకు ఆపిల్ విడుదల చేసిన ఐఫోన్‌లలోనే అత్యంత పలుచటైనదిగా నిలవనుంది. అయితే, కెమెరా భాగం కొద్దిగా ఎక్కువ మందం (సుమారు 9.5mm) ఉండే అవకాశం ఉంది. పాత iPhone 6 మందం 6.9mm కాగా, దీనితో పోలిస్తే ఇది ఓ మెట్టు ముందుకు.
ప్రధాన ప్రత్యేకతలు:
- డిస్‌ప్లే: 6.6 అంగుళాల OLED స్క్రీన్ (120Hz ProMotion, LTPO టెక్నాలజీ)
- ప్రాసెసర్: కొత్తగా రూపొందించిన A19 చిప్
- కెమెరా: 48MP సింగిల్ కెమెరా (హారిజాంటల్ బార్ డిజైన్)
- ఫ్రంట్ కెమెరా: 24MP – మెరుగైన సెల్ఫీల కోసం
- మోడెం: Apple డిజైన్ చేసిన C1 5G మోడెం (4Gbps వరకు స్పీడ్, mmWave మద్దతు ఉండదు)
- బ్యాటరీ: సుమారు 2800mAh (మొత్తం యూజర్లలో 60-70% మాత్రమే ఒక రోజు బ్యాటరీతో సరిపడవచ్చు)
- OS: iOS 26
ఇతర ఫీచర్లు:
- MagSafe ఛార్జింగ్, Action బటన్, Camera షట్టర్ బటన్
- USB-C పోర్ట్, కానీ ఇది పూర్తిగా సెంటర్‌లో ఉండదు. అసలు పోర్టే ఉండదని కూడా ఒక పుకారుంది.
- వైర్లెస్ ఛార్జింగ్: కొత్త Qi 2.2 మద్దతుతో 50W వరకు ఛార్జింగ్ సామర్థ్యం ఉండే అవకాశముంది
- బ్లూటూత్ 5.3, Wi-Fi 7, Apple డిజైన్ చేసిన Wi-Fi చిప్
ధర & లాంచ్ వివరాలు:
‘iPhone 17 Air’ ధర సుమారు $899 (భారత రూపాయలలో ~₹75,000 వరకు) ఉండొచ్చని అంచనా. ఇది iPhone 17 కంటే ఖరీదైనది కానీ Pro వేరియంట్ల కంటే తక్కువ ధరలో ఉంటుంది. ఈ ఫోన్‌ను iPhone 17, 17 Pro, 17 Pro Max లతో కలిసి సెప్టెంబర్ 2025లో లాంచ్ చేయనున్నట్లు సమాచారం.
బలాలు – బలహీనతలు:
బలాలు:
- అత్యంత సన్నగా ఉండే డిజైన్
- మోడరన్ లుక్, టైటానియమ్ అల్యూమినియం బాడీ
- 120Hz డిస్‌ప్లే, అధునాతన కనెక్టివిటీ
బలహీనతలు:
- కేవలం ఒకే ఒక్క కెమెరా
- బ్యాటరీ సామర్థ్యం తక్కువగా ఉండే అవకాశం
- ఎప్పటికప్పుడు ఛార్జింగ్ అవసరం
‘iPhone 17 Air’ మోడల్‌కు ‘Air’ అనే పేరు మాత్రం అధికారికంగా ఖరారు కాలేదు. కానీ, ఆపిల్ పాత ‘MacBook Air’, ‘iPad Air’ ల మాదిరిగానే, సన్నని బాడీతో వస్తుండటంతో ఈ పేరును పరిశ్రమ వర్గాలు ఉపయోగిస్తున్నాయి. ఈ ఫోన్ రూపకల్పనపై అధిక దృష్టి పెట్టే వినియోగదారులకు సరిపోయేలా ఉంటుంది. అత్యుత్తమ పనితీరు కాకపోయినా, కొత్తగా కనిపించాలనే వారికి ఇది ఉత్తమ ఎంపిక అవుతుంది.