Gold-Silver Rates | పసిడి, వెండి కొనుగోలుదారులకు శుభవార్త. బంగారం, వెండి ధరలు భారీగా తగ్గుముఖం పట్టాయి. శనివారం బులియన్‌ మార్కెట్‌లో మళ్లీ పతనమయ్యాయి. 22 క్యారెట్ల బంగారంపై రూ.800 తగ్గి.. తులానికి రూ.66,35కి తగ్గింది. 24 క్యారెట్ల బంగారంపై రూ.870 పెరగంతో రూ.72,380కి దిగివచ్చింది. దేశంలోని వివిధ నగరాల్లో బంగారం ధరలను పరిశీలిస్తే.. చెన్నైలో 22 క్యారెట్ల బంగారం రూ.69,950 ఉండగా.. 24 క్యారెట్ల బంగారం రూ.73,040కి చేరింది. ముంబయిలో 22 క్యారెట్ల బంగారం రూ.66,350 ఉండగా.. 24 క్యారెట్ల పుత్తడి రూ.72,380కి పతనమైంది.
దేశ రాజధాని ఢిల్లీలో 22 క్యారెట్ల పుత్తడి రూ.66,500 ఉండగా.. 24 క్యారెట్ల బంగారం రూ.72,530కి చేరింది. హైదరాబాద్‌లో 22 క్యారెట్ల పసిడి రూ.66,350 ఉండగా.. 24 క్యారెట్ల గోల్డ్‌ రూ.72,380 పలుకుతున్నది. ఏపీలోని విజయవాడ, తిరుపతి, విశాఖపట్నం నగరాల్లోనూ ఇవే ధరలు కొనసాగుతున్నాయి. మరో వైపు వెండి ధర భారీగా తగ్గింది. కిలోకు రూ.2వేలకుపైగా తగ్గి.. ఢిల్లీలో కిలో వెండి రూ.92వేలకు చేరింది.
ఇక హైదరాబాద్‌లో రూ.96,500కిచేరింది. వాస్తవానికి ప్రపంచవ్యాప్తంగా జరిగే వివిధ పరిణామాలపైనే ధరలు ఆధారపడి ఉంటాయి. ఈ క్రమంలోనే అంతర్జాతీయంగా ధరలు పెరిగినా, తగ్గినా ఆ ప్రభావం భారత మార్కెట్లపై సైతం ఉంటుంది. ద్రవ్యోల్బణం, సెంట్రల్‌ బ్యాంకుల నిర్ణయాలు, వడ్డీ రేట్లలో మార్పులు, మార్కెట్లలో బంగారానికి ఉన్న డిమాండ్‌ తదితర కారణాల నేపథ్యంలో బంగారం ధరలు మారుతూ వస్తుంటాయి.