Suchitra| సింగ‌ర్ సుచిత్ర కొన్నాళ్లుగా కోలీవుడ్‌లో ప్ర‌కంప‌న‌లు పుట్టిస్తుంది. కొన్నేళ్ల క్రితం సుచీ లీక్స్ అంటూ టాప్ స్టార్స్ ప్రైవేట్ ఫోటోలు లీక్ చేసిన సుచిత్ర ఇప్పుడు ప‌లువురు గురించి షాకింగ్ కామెంట్స్ చేస్తూ వార్త‌ల‌లో నిలుస్తుంది. ధనుష్ ఓ గే అని.. అర్దరాత్రి 3 గంటల వరకు మగవాళ్లతో పార్టీలు చేసుకొంటార‌ని, స్వ‌లింగ్ సంప‌ర్కుడు కావ‌డం వ‌ల్ల‌నే భార్య‌కి విడాకులు ఇచ్చాడ‌ని తెలియ‌జేసింది. ఇక కమల్ హాసన్ ట్రాన్స్‌జెండ‌ర్ అని అందుకే ఆయ‌న వేసుకునే బ‌ట్ట‌లు అలా ఉంటాయని కూడా ఇంట‌ర్వ్యూలో తెలియ‌జేసింది. అంతేకాదు కమల్ హాసన్ ఇచ్చే పార్టీల్లో డ్రగ్స్ ఉంటాయని, చాాలా మంది ప్రముఖులు డ్రగ్స్ తీసుకుంటారంటూ ఆమె సంచ‌ల‌న ఆరోపణలు చేసింది.
సుచిత్ర కామెంట్స్‌తో కమల్ హాసన్ డ్రగ్స్ పార్టీల అంశం రాజ‌కీయంగాను హాట్ టాపిక్ అయింది. ఈ అంశం మీద తమిళ బీజేపీ నాయకులు త‌మ‌దైన శైలిలో స్పందిస్తున్నారు. ఇక సుచిత్ర వనితా విజయ్ కుమార్‌పై కూడా సంచ‌ల‌న ఆరోపణలు చేసింది. సాధార‌ణంగా వనిత విజయ్ కుమార్ కాంట్ర‌వ‌ర్సీల‌కి కేరాఫ్ అడ్రెస్. ఆమె పెళ్లిళ్లు, గొడ‌వ‌లు ఇలాంటి విష‌యాల‌తో ఎక్కువ‌గా వార్త‌ల‌లో నిలిచేది. అలాంటి వనిత విజయ్ కుమార్ ఇంట్లో అశ్లీల చిత్రాల షూటింగ్ జ‌రుగుతుదంటూ హాట్ కామెంట్స్ చేసింది సుచిత్ర. వ‌నిత‌కి ఆమె స‌న్నిహితులు ఓ బంగ్లా ఇచ్చారు. ఆ బంగ్లాను వనిత విజయ్ కుమార్ తమిళ నటుడు బయిల్వాన్ రంగనాథ్ కి ఇవ్వ‌గా, అందులో అత‌ను అశ్లీల చిత్రాల షూటింగ్ చేశాడని సుచిత్ర పేర్కొంది.
మీరు ఎప్పుడైన గ‌మ‌నిస్తే.. బయిల్వాన్ ఇతర నటుల మీద ఆరోపణలు చేస్తాడు కానీ వనిత విజయ్ కుమార్ పై ఎలాంటి కామెంట్స్ చేయ‌డు. దానికి కార‌ణం వారిద్ద‌రి మ‌ధ్య ఉన్న అండ‌ర్‌స్టాండింగ్. వనిత విజయ్ కుమార్ ఇంట్లో అశ్లీల చిత్రాల షూటింగ్ జరుగుతుంద‌ని తెలుసుకున్న అధికారులు ఆ హౌజ్‌ని కూడా సీజ్ చేశార‌ని సుచిత్ర పేర్కొంది. శరత్ కుమార్, రాధా రవి వంటి నటులు ఈ అశ్లీల చిత్రాల షూటింగ్ ని అడ్డుకున్నారని కూడా సుచిత్ర పేర్కొంది. మొత్తానికి సుచిత్ర చేస్తున్న కామెంట్స్ కోలీవుడ్ ఇండ‌స్ట్రీలో ప్ర‌కంప‌న‌లు పుట్టిస్తున్నాయి.