Love Horoscope | జ్యోతిష్య శాస్త్రం ప్ర‌కారం అన్ని రాశులు ఒకే విధంగా ఉండ‌వు. ఆయా రాశులకు చెందిన వ్య‌క్తుల జాత‌కాలు కూడా డిఫ‌రెంట్‌గా ఉంటాయి. అంతేందుకు ఒకే రాశిలో జన్మించిన వారు కూడా ఒకేలా ఉండ‌రు. వారి పుట్టిన సమయం, తేదీ, ప్రాంతాన్ని బ‌ట్టి కూడా వారి జాత‌కాలు మారుతాయ‌ని జ్యోతిష్య పండితులు చెబుతున్నారు. ఒక వ్య‌క్తి జాత‌కం అత‌ని పుట్టిన తేదీ, జన్మ‌న‌క్ష‌త్రం ప్ర‌కారం డిసైడ్ చేస్తారు.
అయితే.. చాలా మంది తమ రాశులకు అనుగుణంగా ప్ర‌వ‌ర్తిస్తుంటారు. మ‌రి ముఖ్యంగా ప్రేమ విష‌యాల్లో ఈ ఐదు రాశుల వారితో జాగ్ర‌త్త‌గా ఉండాల‌ని పండితులు చెబుతున్నారు. ఈ రాశుల ప్రేమికులు ఎప్పుడైనా మోసం చేసి మ‌న నుంచి వెళ్లిపోయే ప్ర‌మాదం ఉంటుంద‌ని హెచ్చ‌రిస్తున్నారు. కాబ‌ట్టి ఈ ఐదు రాశుల ప్రేమికుల‌తో జాగ్ర‌త్త‌గా ఉండాల‌ని చెబుతున్నారు. మ‌రి ఆ ఐదు రాశులు ఏంటో తెలుసుకుందాం..
మిథున రాశి ( Gemini )
మిథున రాశి ప్రేమికులు తమ ల‌వ్ విష‌యంలో చాలా డిమాండ్‌గా ఉంటారు. తాము కోరుకున్న విధంగా ప్రేమ ల‌భించ‌క‌పోతే.. తమ ల‌వ‌ర్స్‌ను మార్చ‌డానికి ఎక్కువ సమయం తీసుకోరు. ఈ రాశి యువ‌తులు ఎవరిని తమ భాగస్వామిగా ఎంచుకోవాలో అర్థం కాక తరచుగా సందిగ్ధంలో ఉంటారు. ఈ రాశిలో జన్మించిన వారి ప్రత్యేకత ఏమిటంటే తాము కోరుకున్న లేదా కోరుకునే ప్రేమ లభించనప్పుడు వెంటనే తమ ల‌వ‌ర్‌ను మోసం చేయడానికి వెనుకాడరు.
సింహ రాశి ( Leo )
సింహ రాశిలో జన్మించిన వ్యక్తులు చాలా నాటకీయంగా తమ ప్రేమ వ్య‌వ‌హారాల‌ను కొన‌సాగిస్తుంటారు. తమ వైపు దృష్టిని ఆకర్షించుకోవడానికి ఈ రాశి ప్రేమికులు ఇష్టపడతారు. అంతేకాదు తన ల‌వ‌ర్‌ కంటే తమకే ఎక్కువ ప్రాముఖ్యత ఇస్తారు. ప్రేమలో మోసం చేయడానికి ఇదే కారణం.
క‌న్య రాశి ( Virgo )
క‌న్య రాశి వారు త్వ‌ర‌గా ప్రేమలో ప‌డుతారు. అంటే ఎదుటి వారి వ్య‌క్తిత్వం గురించి ఆలోచించ‌కుండానే ప్రేమిస్తుంటారు. ఆ త‌ర్వాత ఈ ల‌వ్ నుంచి ఎలా బ‌య‌ట‌ప‌డాలి..? ప్రేమించిన వారిని ఎలా వ‌దిలించుకోవాల‌ని ఆలోచిస్తారు.
కుంభ రాశి (Aquarius )
మోసం చేయ‌డంలో కుంభ రాశి ప్రేమికులు ముందు వ‌రుస‌లో ఉంటారు. ఒకేసారి చాలా మందితో ప్రేమాయ‌ణం న‌డిపి.. మోసాల‌కు పాల్ప‌డుతుంటారు. క్ష‌ణానికి ఒక ల‌వ‌ర్‌ను మార్చేస్తుంటారు. అలా ఎందుకు చేస్తారో కూడా వారికి తెలియ‌దు. ఎవరి జీవితంలో నుంచి ఎప్పుడు వెళ్తారు.. ఎప్పుడు తిరిగి వస్తారో ఎవరూ చెప్పలేరు.
మీన రాశి ( Pisces )
మీన రాశి మీన రాశి వారు తమ భాగస్వామిని మోసం చేయడానికి ఎక్కువ సమయం తీసుకోరు. ప్రేమ విషయాలలో వీరు చాలా మూడీగా ఉంటారు. ఏ చిన్న విషయానికి అయినా కోపం తెచ్చుకోవడం వీరి లక్షణం .చాలా సున్నితంగా ఉండటం వల్ల.. చిన్న కారణం దొరికినా చాలు.. మరుక్షణమే ప్రేమించిన వారిని వదిలిపెట్టేస్తారు.