మేషం (Aries)
మేషరాశి వారికి ఈ రోజు మిశ్రమ ఫలితాలు ఉంటాయి. కీలక వ్యవహారాల్లో ముందుచూపు అవసరం. ఎవరినీ అతిగా నమ్మవద్దు. తొందరపాటు నిర్ణయాల వల్ల నష్టం కలగవచ్చు. స్థిరమైన బుద్ధితో తీసుకునే నిర్ణయాలు సత్ఫలితాన్నిస్తాయి. ఆర్థికంగా పుంజుకుంటారు.
వృషభం (Taurus)
వృషభరాశి వారికి ఈ రోజు ఫలవంతంగా ఉంటుంది. ఉద్యోగ వ్యాపారాలలో తొందరపాటు లేకుండా నిదానం వహించాలి. చేపట్టిన ప్రతి పనిలోనూ విజయం లభిస్తుంది. కీర్తి ప్రతిష్ఠలు పెరుగుతాయి. ధనధాన్య లాభాలున్నాయి. ఖర్చులు పెరగకుండా జాగ్రత్త పడండి. ఆరోగ్యం సహకరిస్తుంది. ప్రయాణం వాయిదా వేయడం మంచిది.
మిథునం (Gemini)
మిథునరాశి వారికి ఈ రోజు సామాన్యంగా ఉంటుంది. ఉద్యోగ వ్యాపారాలలో శ్రమ పెరగకుండా చూసుకోండి. సహోద్యోగుల సహకారంతో పెండింగ్ పనులు పూర్తి చేస్తారు. విందు వినోదాలలో పాల్గొంటారు. గట్టి ప్రయత్నంతోనే ధనలాభాలుంటాయి. సాహసోపేతమైన నిర్ణయాలతో మేలు జరుగుతుంది.
కర్కాటకం (Cancer)
కర్కాటకరాశి వారికి ఈ రోజు మిశ్రమ ఫలితాలు ఉంటాయి. వృత్తి ఉద్యోగాలలో క్లిష్ట పరిస్థితులు నెలకొంటాయి. నిర్ణయం తీసుకోవడంలో గందరగోళం, సందిగ్ధం ఉండవచ్చు. ముఖ్యమైన నిర్ణయాలు వాయిదా వేస్తే మంచిది. సన్నిహితులతో, ఉన్నతాధికారులతో జాగ్రత్తగా వ్యవహరించండి.
సింహం (Leo)
సింహరాశి వారికి ఈ రోజు లాభదాయకంగా ఉంటుంది. అనేక మార్గాల నుంచి ధనలాభాలుంటాయి. ఆర్థికంగా ఉన్నత స్థానానికి చేరుకుంటారు. ఉద్యోగంలో పదోన్నతులు ఉంటాయి. మంచి లాభాలు గడిస్తారు. జీవిత భాగస్వామితో విహారయాత్రలకు వెళ్తారు. ఆరోగ్యం సహకరిస్తుంది.
కన్య (Virgo)
కన్యారాశి వారికి ఈ రోజు అనుకూలంగా ఉంటుంది. కొత్త ప్రాజెక్టులు చేపట్టడానికి, ముఖ్యమైన కార్యక్రమాలు ప్రారంభించడానికి అనుకూలమైన రోజు. వృత్తి పరంగా శుభవార్తలు వింటారు. వైవాహిక జీవితంలో సమస్యలు తొలగిపోతాయి. జీవిత భాగస్వామితో ఆనందంగా గడుపుతారు.
తుల (Libra)
తులారాశి వారికి ఈ రోజు మిశ్రమ ఫలితాలు ఉంటాయి. వ్యాపారాల్లో ఊహించని లాభాలు ఉంటాయి. ఉద్యోగులకు పనిఒత్తిడి, శ్రమ పెరగవచ్చు. సహోద్యోగుల సహకారం లోపిస్తుంది. కుటుంబంతో తీర్థయాత్రలకు వెళ్తారు. దూర ప్రాంతాల నుంచి శుభవార్తలు అందుకుంటారు. అనారోగ్య సమస్యలు ఇబ్బంది పెడతాయి.
వృశ్చికం (Scorpio)
వృశ్చికరాశి వారికి ఈ రోజు మిశ్రమ ఫలితాలు ఉంటాయి. పట్టుదలతో ముందుకు సాగి విజయాన్ని సాధిస్తారు. ముఖ్యమైన పనులలో అధికారుల అండదండలుంటాయి. అప్పుల బాధ పెరగకుండా జాగ్రత్త పడండి. కొత్త ప్రాజెక్టులు, ముఖ్యమైన కార్యక్రమాలను వాయిదా వేసుకోవడం మంచిది.
ధనుస్సు (Sagittarius)
ధనుస్సురాశి వారికి ఈ రోజు అనుకూలంగా ఉంటుంది. చేపట్టిన పనులలో విజయం సిద్ధిస్తుంది. కీలక వ్యవహారాల్లో సమయస్ఫూర్తితో వ్యవహరించి అందరి ప్రశంసలు అందుకుంటారు. ఆర్థిక స్థితిగతులు మెరుగు పడతాయి. నూతన వాహనయోగం ఉంది. ఆరోగ్యంపై శ్రద్ధ పెట్టండి.
మకరం (Capricorn)
మకరరాశి వారికి ఈ రోజు అనుకూలంగా ఉంటుంది. ఉద్యోగులకు, వ్యాపారులకు, వృత్తి నిపుణులకు ఈ రోజు బ్రహ్మాండంగా కలిసి వస్తుంది. ఆర్థిక వ్యవహారాలు అనుకూలంగా ఉంటాయి. కుటుంబంలో ఆనందం నెలకొంటుంది. ఎటువంటి ఆటంకాలు లేకుండా అన్ని పనులు సకాలంలో పూర్తవుతాయి. వ్యాపారంలో అధిక లాభాలు ఉంటాయి.
కుంభం (Aquarius)
కుంభరాశి వారికి ఈ రోజు ఫలవంతంగా ఉంటుంది. ఉద్యోగంలో నూతన బాధ్యతలు స్వీకరిస్తారు. దైవబలం ముందుకు నడిపిస్తుంది. ప్రయాణాలు వాయిదా వేస్తే మంచిది. భవిష్యత్తుకు సంబంధించి కీలక నిర్ణయాలు తీసుకుంటారు. ఖర్చుల విషయంలో జాగ్రత్త వహించండి.
మీనం (Pisces)
మీనరాశి వారికి ఈ రోజు సామాన్యంగా ఉంటుంది. వృత్తి ఉద్యోగాలలో స్థిరమైన అభివృద్ధి సాధిస్తారు. అనారోగ్య సమస్యల కారణంగా ఆందోళనతో ఉంటారు. కొన్ని సంఘటనలు అశాంతికి గురి చేయవచ్చు. ప్రశాంతంగా ఉండేందుకు ప్రయత్నించండి. ఎవరితోనూ వాదనల్లోకి దిగవద్దు.