మేషం (Aries)
మేషరాశి వారికి ఈ వారం అనుకూలంగా ఉంటుంది. ఉద్యోగస్థులు కెరీర్లో పురోగతి, ఆర్థిక వృద్ధిని అందుకుంటారు. వ్యాపారస్తులు వ్యాపార విస్తరణ కోసం చేసే ప్రయత్నాలు ఫలిస్తాయి. నూతన ఒప్పందాలు అనుకూలిస్తాయి. వ్యాపారంలో ఆశించిన లాభాలు అందుకుంటారు. షేర్ మార్కెట్లు, స్థిరాస్తి రంగాలలో పెట్టుబడులు పెట్టే ముందు అనుభవజ్ఞుల సలహాలు తీసుకుంటే మంచిది. లేకుంటే ధననష్టం ఉండవచ్చు. ప్రేమ వ్యవహారాల్లో మూడో వ్యక్తి ప్రమేయం లేకుండా చూసుకోండి. వారం చివరలో వృత్తి ఉద్యోగాలలో ఒత్తిడి ఉండవచ్చు. ఇతరుల సహకారంతో ఒత్తిడిని అధిగమిస్తారు. కొన్ని ఊహించని ఖర్చులు పెరుగుతాయి. ముఖ్యంగా కుటుంబ సభ్యుల అనారోగ్య నిమిత్తం అధిక ధనవ్యయం ఉండవచ్చు.
వృషభం (Taurus)
వృషభ రాశి వారికి ఈ వారం మిశ్రమ ఫలితాలు ఉంటాయి. వృత్తి వ్యాపారాలలో కొన్ని ఒడిదుడుకులు ఉండవచ్చు. ఆశించిన లాభాలు రాకపోవడం వల్ల కొంత అసంతృప్తి కలిగినా ఓర్పుతో ముందుకు సాగాలి. ఉద్యోగులు తమ ప్రస్తుత ఉద్యోగంలోనే కొనసాగడం ఉత్తమం. ఉద్యోగ మార్పుకు ఇది సరైన సమయం కాదు. ఒక వ్యవహారంలో డబ్బు నష్టపోయే ప్రమాదముంది కాబట్టి అప్రమత్తంగా ఉండండి. వ్యక్తిగతంగా, వృత్తి పరంగా మానసిక ఒత్తిడి పెరిగే అవకాశం ఉంది. ప్రేమ వ్యవహారాల్లో, అపార్థాలు దూరాన్ని పెంచే అవకాశముంది కాబట్టి సమాచార లోపం లేకుండా చూసుకోండి. జీవిత భాగస్వామితో మంచి సమయం గడుపుతారు. విద్యార్థులు చదువుపై ఏకాగ్రత పెట్టడం అవసరం.
మిథునం (Gemini)
మిథునరాశి వారికి ఈ వారం మిశ్రమ ఫలితాలు ఉండవచ్చు. ముఖ్యంగా ఆరోగ్య పరంగా కొన్ని సవాళ్లు ఎదురవుతాయి. దీర్ఘకాలిక అనారోగ్యం సమస్యలు కలిగించవచ్చు. వైద్య చికిత్స కోసం డబ్బు విపరీతంగా ఖర్చవుతుంది. వ్యాపార నిపుణులు కొత్త పరిచయాలు, ఒప్పందాల ద్వారా మంచి అవకాశాలు అందుకుంటారు. కెరీర్ లో పురోగతి కోరుకునే వారికి, ఉద్యోగంలో మార్పు కోరుకునే వారికి ఈ వారం ఆశాజనకంగా ఉంటుంది. ప్రేమ జీవితంలో అపార్థాలు తలెత్తే అవకాశం ఉంది. సహనంతో ఉంటే అన్నీ సర్దుకుంటాయి. జీవిత భాగస్వామితో అనుబంధం దృఢపడుతుంది. స్టాక్ మార్కెట్ పెట్టుబడులకు అనుకూల సమయం.
కర్కాటకం (Cancer)
కర్కాటక రాశి వారికి ఈ వారం సానుకూల ఫలితాలు ఉంటాయి. వివాహితుల జీవితంలో స్థిరత్వం ఉంటుంది. ఆర్థికంగా ఈ వారం అనుకూలంగా ఉంటుంది. ఆస్తి కొనుగోలుకు ఇది మంచి సమయం. వ్యాపారంలో గత పెట్టుబడుల నుండి లాభాలు రావచ్చు. వ్యాపారులు తమ వ్యాపారాన్ని అంతర్జాతీయంగా విస్తరించే అవకాశాలున్నాయి. నిరుద్యోగులు, కెరీర్ లో పురోగతి కోరుకునే వారు ఈ వారం మెరుగైన అవకాశాలు అందుకుంటారు. ప్రేమ వ్యవహారాల్లో బంధాలు బలోపేతం అవుతాయి. జీవిత భాగస్వామితో విహారయాత్రలకు వెళతారు. ఆదాయం పెరగడం సంతోషం కలిగిస్తుంది. షేర్ మార్కెట్లు, స్థిరాస్తి రంగంలో పెట్టుబడులు అధిక లాభాలు అందిస్తాయి. కుటుంబంలో కలహాలు రాకుండా జాగ్రత్త పడండి. ఉద్యోగస్తులకు బదిలీ ఉండవచ్చు.
సింహం (Leo)
సింహ రాశి వారికి ఈ వారం మిశ్రమ ఫలితాలు ఉండవచ్చు. వృత్తి వ్యాపారాలలో నూతన ఆదాయ అవకాశాలు లభించవచ్చు. ఆర్థిక స్థిరత్వాన్ని సాధిస్తారు. వ్యాపారవేత్తలు తమ వ్యాపారాన్ని విస్తరించడానికి చేసే ప్రయత్నాలు ఫలిస్తాయి. ఉద్యోగులు అధిక పనిభారంతో ఒత్తిడికి లోనయ్యే అవకాశముంది. సహోద్యోగుల సహకారంతో ఒత్తిడిని అధిగమిస్తారు. ప్రేమ వ్యవహారంలో చిన్న చిన్న అపార్థాలు తలెత్తే అవకాశం ఉంది. ఆర్థిక సమస్యలు కారణంగా జీవిత భాగస్వామితో మనస్పర్థలు ఏర్పడవచ్చు. కోపాన్ని అదుపులో ఉంచుకుని సహనంతో వ్యవహరించాలి. షేర్ మార్కెట్లో, రియల్ ఎస్టేట్‌లో పెట్టుబడి పెట్టడానికి ఇది మంచి సమయం. ఖర్చులు తగ్గించుకోవాలి. సరైన సమయంలో సరైన నిర్ణయాలు తీసుకోవడం ద్వారా మంచి ఫలితాలను పొందవచ్చు.
కన్య (Virgo)
కన్య రాశి వారికి ఈ వారం అనుకూలంగా ఉంటుంది. వృత్తి వ్యాపారాలు లాభదాయకంగా ఉంటాయి. ఆశించిన దానికంటే అధిక ధనలాభాలు పొందుతారు. వ్యాపార విస్తరణ కోసం చేసే ప్రయత్నాలు ఫలిస్తాయి. ఉద్యోగంలో పదోన్నతులు ఉండవచ్చు. స్వస్థాన ప్రాప్తి సూచన కూడా ఉంది. ఉద్యోగంలో మార్పు కోరుకునే వారు తొందరపాటు నిర్ణయాలు తీసుకోకుండా ఉండాలి. ముందస్తు ప్రణాళికతో స్టాక్ మార్కెట్లో పెట్టుబడి పెట్టడానికి అనుకూల సమయం. ప్రేమ జీవితం సానుకూలంగా ఉంటుంది. వైవాహిక జీవితంలో ఏర్పడ్డ సమస్యలు క్రమంగా పరిష్కారమవుతాయి. ఖర్చులు పెరగకుండా చూసుకోండి.
తుల (Libra)
తులారాశి వారికి ఈ వారం సామాన్యంగా ఉంటుంది. వృత్తి వ్యాపార ఉద్యోగాలలో క్రమశిక్షణ అవసరం. నైపుణ్యాలు అభివృద్ధి చేసుకుంటే కెరీర్లో పురోగతి ఉంటుంది. వ్యాపారంలో తీవ్రమైన పోటీ కారణంగా నష్టాలు ఉండవచ్చు. ఊహించని ఖర్చులు ఉక్కిరిబిక్కిరి చేస్తాయి. అవసరానికి ధనం అందకపోవచ్చు. ఆర్థిక విషయాల్లో జాగ్రత్తగా ఉండాలి. భూమి, ఆస్తిలో పెట్టుబడి పెట్టాలనుకుంటే దీర్ఘకాలిక ప్రణాళిక అవసరం. ప్రేమ సంబంధాల్లో అపార్థాలు ఏర్పడకుండా ఓర్పుతో వ్యవహరించాలి. విద్యార్థులు చదువుపై అధిక శ్రద్ధ పెట్టాలి. మానసిక ఒత్తిడిని తగ్గించుకోవడం, ఖర్చులను జాగ్రత్తగా నిర్వహించడం చాలా అవసరం.
వృశ్చికం (Scorpio)
వృశ్చిక రాశి వారికి ఈ వారం అనుకూలంగా ఉంటుంది. వృత్తి వ్యాపారాలు లాభదాయకంగా ఉంటాయి. ఊహించని ధనలాభాలు ఉండవచ్చు. ఉద్యోగంలో హోదా పెరగవచ్చు. కీర్తి ప్రతిష్ఠలు పెరుగుతాయి. రియల్ ఎస్టేట్‌లో పెట్టుబడి పెట్టడానికి సరైన సమయం. షేర్ మార్కెట్లో పెట్టుబడులు పెట్టినవారు మంచి లాభాలు అందుకుంటారు. దీర్ఘకాలిక అనారోగ్యాలు ఉన్నవారు ప్రత్యేక శ్రద్ధ వహించాలి. ప్రేమ వ్యవహారాల్లో సంతోషం ఉంటుంది. కుటుంబ కలహాలు ఏర్పడకుండా జాగ్రత్త పడండి. వివాదాలకు దూరంగా ఉండడం అవసరం. పోటీ పరీక్షలకు సిద్ధమవుతున్న విద్యార్థులు పట్టుదల పెంచాలి.
ధనుస్సు (Sagittarius)
ధనుస్సు రాశి వారికి ఈ వారం ఫలవంతంగా ఉంటుంది. కెరీర్ పరంగా అందుకునే నూతన అవకాశాలు కొత్త ఆశ, ఉత్సాహం తెస్తాయి. ఆరోగ్యం బాగుంటుంది. ఆత్మవిశ్వాసంతో, దృఢ సంకల్పంతో పనిచేసి వృత్తి ఉద్యోగాలలో పురోగతి సాధిస్తారు. ఉద్యోగ మార్పు కోసం ప్రత్నించే వారు మంచి అవకాశాలు అందుకుంటారు. ప్రేమ జీవితంలో అపార్థాలు తలెత్తవచ్చు. సమాచార లోపం లేకుండా జాగ్రత్త పడితే మంచిది. ఖర్చులు పెరగకుండా జాగ్రత్తగా పడాలి. రియల్ ఎస్టేట్ లో పెట్టుబడులు ప్రయోజనకరంగా ఉంటాయి. విద్యార్థులు చదువు పట్ల ఏకాగ్రత పెంచాలి.
మకరం (Capricorn)
మకరరాశి వారికి ఈ వారం సామాన్యంగా ఉంటుంది. వృత్తి వ్యాపారాలలో సమస్యలు ఎదురవుతాయి. ఆశించిన లాభాలు ఉండకపోవచ్చు. ఊహించని సంఘటనల కారణంగా మానసిక ఒత్తిడి ఏర్పడవచ్చు. ఉద్యోగంలో మార్పు కోరుకునే వారు మరికొంతకాలం వేచి చూస్తే మంచిది. ప్రేమ వ్యవహారాలు కలిసిరావు. కుటుంబ కలహాల కారణంగా జీవిత భాగస్వామితో మనస్పర్థలు ఏర్పడుతాయి. స్టాక్ మార్కెట్లో దీర్ఘకాలిక పెట్టుబడులు మంచి ఫలితాలను ఇస్తాయి. ఆర్థికంగా మంచి ఫలితాలు రాబట్టాలంటే సమయానుకూలంగా నిర్ణయాలు తీసుకోవాలి. తరచుగా అనారోగ్య సమస్యలు ఏర్పడవచ్చు కాబట్టి విశ్రాంతికి ప్రాధాన్యత ఇవ్వాలి.
కుంభం (Aquarius)
కుంభ రాశి వారికి ఈ వారం అనుకూలంగా ఉంటుంది. దృఢ సంకల్పంతో పని చేసి వృత్తి ఉద్యోగాలలో ఉన్నత స్థానానికి చేరుకుంటారు. బలమైన సంకల్పశక్తితో కీలక వ్యవహారాల్లో విజయం సాధిస్తారు. వ్యాపారంలో చిన్న చిన్న సవాళ్లు ఉన్నా ఆత్మవిశ్వాసంతో అధిగమిస్తారు. ఉద్యోగంలో సానుకూల ఫలితాలు ఉంటాయి. మీ అధికార పరిధి పెరుగుతుంది. అవివాహితులకు వివాహం నిశ్చయమవుతుంది. ప్రేమ వ్యవహారాలు పెళ్లి బాట పడతాయి. జీవిత భాగస్వామి అభిప్రాయాలకు విలువ ఇవ్వడం అవసరం. కుటుంబ సభ్యులతో అనుబంధం దృఢపడుతుది. ఆరోగ్యం బ్రహ్మాండంగా ఉంటుంది.
మీనం (Pisces)
మీన రాశి వారికి ఈ వారం ఆశాజనకంగా ఉంటుంది. వృత్తి వ్యాపారాలలో స్థిరమైన ప్రగతిని సాధిస్తారు. ఆర్థికంగా మెరుగైన ఫలితాలు ఉంటాయి. గతంలో రావలసిన బకాయిలు కూడా అందుతాయి. కోరుకున్న రుణాలు మంజూరవుతాయి. కొత్త ప్రాజెక్టులను ప్రారంభించడానికి అనువైన సమయం. ఉద్యోగ మార్పు కోరుకునే వారు ప్రభుత్వ రంగంలో మెరుగైన అవకాశాలు అందుకుంటారు. ప్రేమ జీవితం సంతృప్తికరంగా ఉంటుంది. జీవిత భాగస్వామితో మంచి సమయాన్ని గడుపుతారు. విందు వినోదాలలో పాల్గొంటారు.