English Diploma : ఈ రోజుల్లో కెరీర్‌లో ముందుకు వెళ్లాలంటే ఇంగ్లిష్ కమ్యూనికేషన్‌ ఎంతో అవసరం. ఉన్నత చదువులు చదివిన చాలామంది ఇంగ్లిష్‌లో సరిగా కమ్యూనికేట్‌ చేయలేక అందివచ్చిన అవకాశాలను చేజార్చుకుంటున్నారు. ఈ క్రమంలో ‘ఇంగ్లిష్ కమ్యూనికేషన్‌ డిప్లొమా ప్రోగ్రామ్‌’లో ప్రవేశాల కోసం ‘బెంగళూరులోని రీజనల్‌ ఇన్‌స్టిట్యూట్‌ ఆఫ్‌ ఇంగ్లిష్ – సౌత్‌ ఇండియా’ దరఖాస్తులు కోరుతోంది.
డిస్టెన్స్‌ విధానంలో ఈ ‘డిప్లొమా ఇన్‌ ఇంగ్లిష్ కమ్యూనికేషన్‌ ప్రోగ్రామ్‌’ను ఆఫర్‌ చేయనున్నారు. ఈ కోర్సులో ప్రవేశాలు కోరగోరే వారు ఆఫ్‌లైన్‌ విధానంలో దరఖాస్తు చేసుకోవాలి. ‘డైరెక్టర్‌, రీజనల్‌ ఇన్‌స్టిట్యూట్‌ ఆఫ్‌ ఇంగ్లిష్, సౌత్‌ ఇండియా, జ్ఞానభారతి క్యాంపస్‌, బెంగళూరు’ చిరునామాకు దరఖాస్తులను పంపాల్సి ఉంటుంది. పూర్తి వివరాలకు కింద పేర్కొన్న వెబ్‌సైట్‌ను సంప్రదించవచ్చు.
కోర్సు వ్యవధి : ఏడాది
అర్హత : PUC లేదా 10+2 ఉత్తీర్ణులవ్వాలి
దరఖాస్తులకు చివరితేది : 2024 మే 31
వెబ్‌సైట్‌ : https://www.riesi.ac.in
