Gold Rates | బంగారం ధరలు మగువలకు ఊరటనిచ్చాయి. ఇటీవల వరుసగా పెరుగుతూ వచ్చిన ధరలు బులియన్‌ మార్కెట్‌లో ఆదివారం నిలకడగా కొనసాగుతున్నాయి. గత ఐదురోజులుగా బంగారం ధర పెరుగుతూ వచ్చి రికార్డు స్థాయికి చేరింది. ఎట్టలకేలకు నిలకడగా కొనసాగుతుండడంతో ఊరటకలిగించినట్లయ్యింది. 22 క్యారెట్ల రూ.60,750 ఉండగా.. 24 క్యారెట్ల బంగారం రూ.66,270 పలుకుతున్నది. అదే సమయంలో వెండి ధరలు సైతం నిలకడగానే ఉన్నాయి.
దేశంలోని వివిధ నగరాల్లో బంగారం ధరలను పరిశీలిస్తే.. చెన్నైలో 22 క్యారెట్ల బంగారం రూ.61,5000 ఉండగా.. 24 క్యారెట్ల బంగారం రూ.67,100 వద్ద స్థిరంగా ఉన్నది. ముంబయిలో 22 క్యారెట్ల బంగారం రూ.60,750 ఉండగా.. 24 క్యారెట్ల పుత్తడి రూ.66,270 వద్ద కొనసాగుతున్నది. ఢిల్లీలో 22 క్యారెట్ల పుత్తడి రూ.60,900 ఉండగా.. 24 క్యారెట్ల బంగారం రూ.66,420 వద్ద నిలకడగా ఉన్నది. హైదరాబాద్‌లో 22 క్యారెట్ల పసిడి రూ.60,750 ఉండగా.. 24 క్యారెట్ల గోల్డ్‌ రూ.66,270 పలుకుతున్నది. ఏపీలోని విజయవాడ, తిరుపతి, విశాఖపట్నం నగరాల్లోనూ ఇవే ధరలు కొనసాగుతున్నాయి. అదే సమయంలో వెండి ధర నిలకడగా ఉన్నది.
హైదరాబాద్‌లో వెండి కిలోకు రూ.79,100 వద్ద కొనసాగుతున్నది. మరో వైపు ప్లాటినం ధర స్వల్పంగా తగ్గింది. తులానికి రూ.100 తగ్గి.. రూ.24,260 వద్ద ట్రేడవుతున్నది. వాస్తవానికి ప్రపంచవ్యాప్తంగా జరిగే వివిధ పరిణామాలపైనే ధరలు ఆధారపడి ఉంటాయి. ఈ క్రమంలోనే అంతర్జాతీయంగా ధరలు పెరిగినా, తగ్గినా ఆ ప్రభావం భారత మార్కెట్లపై సైతం ఉంటుంది. ద్రవ్యోల్బణం, సెంట్రల్‌ బ్యాంకుల నిర్ణయాలు, వడ్డీ రేట్లలో మార్పులు, మార్కెట్లలో బంగారానికి ఉన్న డిమాండ్‌ తదితర కారణాల నేపథ్యంలో బంగారం ధరలు మారుతూ వస్తుంటాయి.