Gold Rates | బంగారం ధరలు ఇటీవల వరుసగా దిగివస్తున్నాయి. పెళ్లిళ్ల సీజన్‌లో వరుసగా ధరలు పనతమవుతున్నాయి. దాంతో కొనుగోలుదారులకు భారీగా ఊరటనిచ్చిట్లవుతున్నది. మగువలకు బంగారం ధరలు ఊరట కలిగిస్తున్నాయి. బుధవారం బులియన్‌ మార్కెట్‌లో మరోసారి స్వల్పంగా ధరలు దిగివచ్చాయి. 22 క్యారెట్ల బంగారంపై రూ.10 తగ్గి తులానికి రూ.57,590 ఉండగా.. 24 క్యారెట్ల గోల్డ్‌ తులానికి రూ.62,830 పలుకుతున్నది. మరో వైపు వెండి ధర సైతం తగ్గుముఖం పట్టింది. కిలోకు రూ.100 చొప్పున తగ్గి కిలో రూ.75,400కు తగ్గింది.
దేశంలోని వివిధ నగరాల్లో బంగారం ధరలను పరిశీలిస్తే.. చెన్నైలో 22 క్యారెట్ల బంగారం రూ.58,090 ఉండగా.. 24 క్యారెట్ల బంగారం రూ.63,390కి తగ్గింది. ముంబయిలో 22 క్యారెట్ల బంగారం రూ.57,590 ఉండగా.. 24 క్యారెట్ల పుత్తడి రూ.62,830కి చేరింది. ఢిల్లీలో 22 క్యారెట్ల పుత్తడి రూ.57,740 ఉండగా.. 24 క్యారెట్ల బంగారం రూ.62,980కి దిగివచ్చింది. ఇక హైదరాబాద్‌లో 22 క్యారెట్ల పసిడి రూ.57,590 ఉండగా.. 24 క్యారెట్ల గోల్డ్‌ రూ.62,830 పలుకుతున్నది. ఏపీలోని విజయవాడ, తిరుపతి, విశాఖపట్నం నగరాల్లోనూ ఇవే ధరలు కొనసాగుతున్నాయి. మరో వైపు వెండి సైతం స్వల్పంగా తగ్గడంతో పుత్తడి ధర రూ.76,900 ధర పలుకుతున్నది.
మరో వైపు ప్లాటినం ధర భారీగా తగ్గింది. రూ.400 తగ్గి తులానికి రూ.23,290 వద్ద ట్రేడవుతున్నది. వాస్తవానికి ప్రపంచవ్యాప్తంగా జరిగే వివిధ పరిణామాలపైనే ధరలు ఆధారపడి ఉంటాయి. ఈ క్రమంలోనే అంతర్జాతీయంగా ధరలు పెరిగినా, తగ్గినా ఆ ప్రభావం భారత మార్కెట్లపై సైతం ఉంటుంది. ద్రవ్యోల్బణం, సెంట్రల్‌ బ్యాంకుల నిర్ణయాలు, వడ్డీ రేట్లలో మార్పులు, మార్కెట్లలో బంగారానికి ఉన్న డిమాండ్‌ తదితర కారణాల నేపథ్యంలో బంగారం ధరలు మారుతూ వస్తుంటాయి.