Gold Rate | బంగారం కొనుగోలుదారులకు ధరలు ఊరటిస్తున్నాయి. దేశంలో ఆదివారం ధరలు భారీగా తగ్గుముఖం పట్టాయి.
పది గ్రాముల 22 క్యారెట్ల బంగారంపై ఏకంగా రూ.700 తగ్గి రూ.55,300 వద్ద స్థిరపడింది. 24 క్యారెట్ల పుత్తడిపై రూ.770 దిగి వచ్చింది రూ.60,330కి చేరింది.
దేశ రాజధాని ఢిల్లీలో 22 క్యారెట్ల పసిడి ధర రూ.55,450 ఉండగా.. 24 క్యారెట్ల బంగారం ధర రూ.60,480 వద్ద ట్రేడవుతున్నది.
ముంబయిలో 22 క్యారెట్ల పసిడి రూ.55,300 ఉండగా.. 24 క్యారెట్ల స్వర్ణం రూ.60,330 పలుకుతున్నది. చెన్నైలో 22 క్యారెట్ల బంగారం ధర రూ.55,800 ఉండగా.. 24 క్యారెట్ల పసిడి ధర రూ.60,870 వద్ద కొనసాగుతున్నది.
బెంగళూరులో 22 క్యారెట్ల పసిడి రూ.55,350 ఉండగా.. 24 క్యారెట్ల పసిడి రూ.60,380 వద్ద ట్రేడవుతున్నది.
ఇక హైదరాబాద్‌లో 22 క్యారెట్ల బంగారం రూ.55,300 ఉండగా.. 24 క్యారెట్ల పసిడి ధర రూ.60,330 పలుకుతున్నది. విజయవాడ, విశాఖపట్నం, తిరుపతితో పాటు తెలుగు రాష్ట్రాలంతా ఇవే ధరలు కొనసాగుతున్నాయి.
మరో వైపు వెండి ధరలు సైతం తగ్గుముఖం పట్టింది. కిలో వెండిపై రూ.400 తగ్గింది. ప్రస్తుతం హైదరాబాద్‌లో కిలో వెండి రూ.77,800 పలుకుతున్నది.