Gold Rates |
అంతర్జాతీయ మార్కెట్‌లో గోల్డ్‌ రేటు స్థిరంగా కొనసాగుతున్నది. ప్రస్తుతం ఔన్స్‌ పుత్తడి ధర 1,952 డాలర్ల వద్ద ట్రేడవుతున్నది. దేశంలో బంగారం ధరలను పరిశీలిస్తే గురువారం స్వల్పంగా తగ్గుముఖం పట్టాయి. 22 క్యారెట్ల బంగారంపై రూ.150 వరకు తగ్గి తులానికి రూ.55,050 పలుకుతున్నది.
మరో వైపు 24 క్యారెట్ల గోల్డ్‌పై రూ.180 పతనమై తులానికి రూ.60,050 వద్ద కొనసాగుతున్నది. వివిధ నగరాల్లో ధరలను పరిశీలిస్తే దేశ రాజధాని ఢిల్లీలో 22 క్యారెట్ల గోల్డ్‌ రూ.55,200 వద్ద కొనసాగుతుండగా.. 24 క్యారెట్ల బంగారం రేటు రూ.60,230 వద్ద స్థిరంగా ఉన్నది.
చెన్నైలో 22 క్యారెట్ల గోల్డ్‌ రూ.55,300 ఉండగా.. 24 క్యారెట్ల పుత్తడి రూ.60,330 దిగివచ్చింది. ముంబయిలో 22 క్యారెట్ల బంగారం రూ.55,050 ఉండగా, 24 క్యారెట్ల బంగారం రూ.60,050కి చేరింది.
బెంగళూరులో 22 క్యారెట్ల బంగారం రూ.55,050 ఉండగా.. 24 క్యారెట్ల బంగారం రూ.60,050కి తగ్గింది. ఇక హైదరాబాద్‌లో 22 క్యారెట్ల పసిడి రూ.55,050 ఉండగా.. 24 క్యారెట్ల గోల్డ్‌ రూ.60,050 పలుకుతున్నది.
ఏపీలోని విజయవాడ, విశాఖపట్నం, తిరుపతి నగరాల్లోనూ ఇవే ధరలు కొనసాగుతున్నాయి. మరో వైపు వెండి ధరలు స్థిరంగా కొనసాగుతున్నది. హైదరాబాద్‌లో కిలోకు రూ.78వేలు పలుకుతున్నది.