Ship Rocket:
భారతదేశంలో అతిపెద్ద ఈ-కామర్స్ ఎనేబుల్‌మెంట్ ప్లాట్‌ఫామ్‌లలో ఒకటైన షిప్‌రాకెట్, హైదరాబాద్‌లో సేమ్ డే డెలివరీ (ఎస్‌డీడీ) సేవలను ప్రారంభించింది. ఈ సేవల ద్వారా వేగవంతమైన డెలివరీలను అందరికీ అందుబాటులోకి తీసుకొచ్చేందుకు షిప్‌రాకెట్ కృషి చేస్తోంది. సాంప్రదాయకంగా వేగవంతమైన డెలివరీ సేవలు పెద్ద ఈ-కామర్స్ బ్రాండ్‌లకు మాత్రమే అందుబాటులో ఉండగా, ఈ సేవలను చిన్న, మధ్య తరగతి వ్యాపారాలు (ఎంఎస్ఎంఈలు) కూడా అందిపుచ్చుకునేలా చేయడం ద్వారా షిప్‌రాకెట్ ఈ-కామర్స్ రంగంలో విప్లవాత్మక మార్పులు తీసుకొస్తోంది. ఇప్పటికే ఢిల్లీ ఎన్‌సీఆర్, ముంబై, బెంగళూరు, కోల్‌కతా నగరాల్లో ఈ సేవలు అందుబాటులో ఉన్నాయి.
వేగవంతమైన డెలివరీలతో వ్యాపారులకు సాధికారత
ఈ-కామర్స్ వినియోగదారులు వేగవంతమైన డెలివరీలకు ప్రాధాన్యత ఇస్తున్న నేపథ్యంలో, ఈ అవసరాన్ని తీర్చడం ద్వారా వ్యాపారులు ఎక్కువ కస్టమర్లను ఆకర్షించడంతో పాటు, రిపీట్ కొనుగోళ్లను పెంచుకునే అవకాశం పొందుతున్నారు. మార్కెట్ డేటా ఫోర్‌క్యాస్ట్ నివేదిక ప్రకారం, భారతదేశంలో సేమ్ డే డెలివరీ మార్కెట్ 2028 నాటికి 23.6% వార్షిక వృద్ధి రేటు (CAGR)తో 10 బిలియన్ డాలర్ల మార్కెట్‌ను అధిగమిస్తుందని అంచనా వేయబడింది. షిప్‌రాకెట్ అధునాతన టెక్నాలజీ ఆధారిత ప్లాట్‌ఫామ్ మరియు వ్యూహాత్మక కొరియర్ భాగస్వామ్యాలతో విక్రేతలకు క్విక్ కామర్స్ సామర్థ్యాలను అందిస్తూ, ఈ పరివర్తనలో ముందుంటోంది.
హైదరాబాద్‌లో ఈ-కామర్స్‌కు కొత్త ఊపిరి
హైదరాబాద్ ఈ-కామర్స్ హబ్‌గా గణనీయమైన సామర్థ్యాన్ని కలిగి ఉంది, సగటున ఒక్కో ఆర్డర్ విలువ రూ.1,850గా ఉంది. బ్యూటీ & గ్రూమింగ్, దుస్తులు & యాక్సెసరీలు, పుస్తకాలు నగరంలో అత్యధికంగా అమ్ముడవుతున్న టాప్-3 కేటగిరీలుగా ఉన్నాయి. షిప్‌రాకెట్ ప్రవేశపెట్టిన సేమ్ డే డెలివరీ సేవలు ఇప్పటికే గేమ్ ఛేంజర్‌గా మారాయి. మామాఎర్త్ వంటి బ్రాండ్‌లు ఈ సేవలను వినియోగించుకుంటూ వ్యాపార వృద్ధిని సాధిస్తున్నాయి. కస్టమర్ సంతృప్తి, రిపీట్ కొనుగోళ్లు, వ్యాపార విస్తరణలో హైదరాబాద్‌లోని విక్రేతలకు ఈ సేవలు శక్తివంతమైన సాధనంగా మారనున్నాయి.
సేమ్ డే డెలివరీ సేవల వివరాలు
సేమ్ డే డెలివరీ: విక్రేత లొకేషన్ నుంచి మధ్యాహ్నం 12 గంటల నుంచి 1 గంటల మధ్య పికప్ చేసిన ఆర్డర్‌లు అదే రోజు డెలివరీ అవుతాయి.
మధ్యాహ్నం 3 గంటల పికప్: విక్రేత లొకేషన్ లేదా గిడ్డంగి నుంచి మధ్యాహ్నం 3 గంటలకు పికప్ చేసిన ఆర్డర్‌లు PICO కొరియర్ ద్వారా అదే రోజు డెలివరీ చేయబడతాయి.
షిప్‌రాకెట్ టెక్నాలజీ సామర్థ్యం
షిప్‌రాకెట్ అనేది టెక్ ఆధారిత ప్లాట్‌ఫామ్, ఇది నిరాటంకమైన హై-స్పీడ్ డెలివరీ, ఆధునిక చెక్‌అవుట్ సొల్యూషన్స్, అధునాతన మార్కెటింగ్ సాధనాలతో విక్రేతలకు సాధికారత కల్పిస్తోంది. AI ఆధారిత రూటింగ్, సమర్థవంతమైన డెలివరీ నెట్‌వర్క్‌లతో వ్యాపార అవసరాలను అంచనా వేసి, తగిన పరిష్కారాలను అందిస్తోంది. Pikndel, PICO, Blitz, Shadowfax, Xpressbees వంటి ప్రముఖ కొరియర్ సర్వీసులతో భాగస్వామ్యం ద్వారా, అసమానమైన వేగం, సామర్థ్యంతో ఆర్డర్‌లను డెలివరీ చేయడంలో విక్రేతలకు తోడ్పడుతోంది.
ఎంఎస్ఎంఈల వృద్ధికి షిప్‌రాకెట్ సహకారం
“భారతదేశంలో వ్యాపారాల వృద్ధికి విశ్వసనీయ భాగస్వామిగా నిలిచేందుకు షిప్‌రాకెట్ కట్టుబడి ఉంది. సేమ్ డే డెలివరీ సేవల ద్వారా కస్టమర్ సంతృప్తిని, రిపీట్ బిజినెస్‌ను పెంచే సాధనాలను ఎంఎస్ఎంఈలకు అందిస్తున్నాం. దీని ద్వారా పరిశ్రమలో అత్యుత్తమ బ్రాండ్‌లతో పోటీపడే సామర్థ్యాన్ని ఎంఎస్ఎంఈలు పొందుతాయి. వేగవంతమైన డెలివరీ ఇప్పుడు విలాసవంతమైన సేవ కాదు, అవసరమైన సేవగా మారింది. చిన్న, పెద్ద వ్యాపారాలతో సంబంధం లేకుండా అత్యుత్తమ సొల్యూషన్స్ అందరికీ అందుబాటులో ఉండేలా చూస్తాం,” అని షిప్‌రాకెట్ ఎండీ & సీఈఓ సాహిల్ గోయెల్ తెలిపారు. “భారత ఆర్థిక వ్యవస్థ డిజిటల్ పరివర్తనలో మా వంతు పాత్ర పోషిస్తూ, ప్రతి విక్రేతకు ఈ-కామర్స్ టెక్నాలజీని అందుబాటులోకి తీసుకొచ్చే లక్ష్యం దిశగా ఇది కీలక అడుగు,” అని ఆయన వివరించారు.