Apple Obsolete List | ఐఫోన్ 17 సిరీస్ గ్లోబల్ లాంచ్ సెప్టెంబర్ 9న జరగబోతున్న వేళ, ఆపిల్ తన ఉత్పత్తుల లైఫ్‌సైకిల్‌లో కీలక నిర్ణయం తీసుకుంది. కొత్త ఐఫోన్లకు మార్గం సుగమం చేసే కార్యక్రమంలో భాగంగా పాత మోడల్స్‌కు వీడ్కోలు పలికింది. అందులో భాగంగా ఐఫోన్ 8 ప్లస్, ఐఫోన్ ఎక్స్ఎస్ మోడల్స్‌ను Vintage జాబితాలో చేర్చగా, మ్యాక్బుక్ ఎయిర్ (2015), మ్యాక్బుక్ ప్రొ (2017 – Touch Bar మోడల్స్) లాంటి మ్యాక్బుక్ ల‌ను Obsolete కేటగిరీలోకి తరలించింది. దీని అర్థం ఏమిటంటే – ఈ పాత డివైస్‌లకు ఇక ఆపిల్ సపోర్ట్ పరిమితమవుతుంది, కొత్త అప్‌డేట్స్ లేదా పూర్తి రిపేర్ సదుపాయాలు అందుబాటులో ఉండవు.
Vintage & Obsolete అంటే..?
- Vintage: అమ్మకాలు ఆగి 5–7 సంవత్సరాలైన మోడల్స్. పరిమిత సపోర్ట్
- Obsolete: 7 సంవత్సరాలకు మించి support లేని మోడల్స్. వీటికి ఏ సౌలభ్యం ఉండదు. స్పేర్లు కూడా దొరకవు.
ప్రభావిత మోడల్స్
- ఐఫోన్ 8 ప్లస్ (64GB, 256GB)
- ఐఫోన్ ఎక్స్ఎస్
- మ్యాక్బుక్ ఎయిర్ 11-inch (2015)
- మ్యాక్బుక్ ప్రొ 13-inch & 15-inch (2017)
ఈ చర్య వల్ల యూజర్లకు OS updates రావు. రిపేర్లు కూడా పరిమిత కాలానికి మాత్రమే ఉంటాయి. ఆపిల్ పాత మోడల్స్ obsoleteగా మారడంతో, యూజర్లు కొత్త డివైజ్లు కొనుగోలు చేసే దిశగా అడుగులు వేయనున్నారు. ఇది ఆపిల్ అమ్మకాలను పెంచుతూనే, పాత మోడల్స్ వాడుతున్న వారికి ఇబ్బందులు కలిగించవచ్చు.