హైదరాబాద్, జూలై 9 (టెక్ డెస్క్): ఫోల్డబుల్ ఫోన్ల విభాగంలో మళ్లీ తన ఆధిపత్యాన్ని నిలబెట్టుకునేందుకు, సామ్సంగ్ తమ నూతన తరం ఫోల్డబుల్ స్మార్ట్‌ఫోన్లను ప్రపంచవ్యాప్తంగా విడుదల చేసింది. గెలాక్సీ Z ఫోల్డ్ 7, Z ఫ్లిప్ 7, అలాగే బడ్జెట్ రేంజ్‌కు దగ్గరగా ఉండే ఫ్లిప్ 7 FE లను కంపెనీ లాంచ్‌ చేసింది. ఈ ఫోన్లు సాంకేతికంగా మాత్రమే కాకుండా మేధోపరంగా కూడా అత్యున్నత స్థాయిలో రూపొందించబడ్డాయి. గూగుల్ జెమిని AI సహకారంతో పని చేసే ఫీచర్లు, సరికొత్త డిజైన్, ప్రాసెసింగ్ శక్తి మరియు కెమెరా సామర్థ్యం ఈ కొత్త ఫోన్ల విశిష్టతలు.
గెలాక్సీ Z ఫోల్డ్ 7 : పలుచటి ఆకారం – గొప్ప తెలివితేటలు
- చరిత్రలోనే అత్యంత సన్నగా ఉండే ఫోల్డ్ ఫోన్ ఇదే.
- పలుచనైన డిజైన్: మడిచినపుడు కేవలం9mm, తెరిచినపుడు 4.2mm మందంతో, ఈ ఫోన్ బరువు కేవలం 215 గ్రాములు.
- తెర విస్తరణ: కవర్‌ స్క్రీన్‌5 అంగుళాలు, ప్రధాన స్క్రీన్‌ 8 అంగుళాలు (మునుపటి తరం కంటే 11% ఎక్కువ).
- కస్టమ్ Snapdragon 8 Elite ఫర్ గెలాక్సీ ప్రాసెసర్ వాడటం వలన CPU, GPU, NPU పనితీరు గణనీయంగా మెరుగైంది. ఈ ప్రాసెసర్ను ప్రత్యేకంగా గెలాక్సీ ఫోన్ల కోసమే రూపొందించారు.
- కెమెరా విప్లవం: గత మోడల్‌లో 50MP ఉండగా, ఇది 200MP వైడ్‌ యాంగిల్‌ కెమెరాతో రానుంది.
- స్టైలస్‌ అభిమానులకు నిరాశ: ఫోల్డ్ 6లో ఉన్న S-Pen ను ఫోల్డ్ 7లో తీసేసారు. దీనివల్లనే పలుచని డిజైన్ సాధ్యమైందని కంపెనీ చెబుతోంది.
గెలాక్సీ Z ఫ్లిప్ 7 : స్టైల్‌తో కూడిన పనితనం
- ఫ్లెక్స్ విండో విస్తృతం: కొత్తగా1 అంగుళాల ఎడ్జ్-టు-ఎడ్జ్ కవర్‌ డిస్‌ప్లే, ఇది ఫ్లిప్ 6లో 3.4 అంగుళాలు మాత్రమే ఉండేది.
- బ్యాటరీ సామర్థ్యం పెరిగింది: 4,000mAh నుండి 4,300mAh కు పెంపు.
- దైనందిన పనులను తేలికగా నెరవేర్చేలా ఫ్లెక్స్ మోడ్, కస్టమ్ AI ఇంటిగ్రేషన్‌తో పనులు వేగంగా పూర్తి చేసే సామర్థ్యం.
- 7mm మందంతో ఇది ఇప్పటి వరకూ వచ్చిన పలుచటి Flip ఫోన్.
గెలాక్సీ Z ఫ్లిప్ 7 FE : ఫోల్డబుల్‌ని ఫోన్ అందరికీ అందుబాటులో..
- ఎంట్రీ లెవెల్ ఫోల్డబుల్ గా7 అంగుళాల ఫుల్‌ హెచ్‌డీ+ ప్రధాన డిస్‌ప్లే, 50MP “ఫ్లెక్స్‌కామ్‌” తో రానుంది.
- ధర తగ్గించేందుకు కొన్ని ఫీచర్లను తగ్గించారు. 4,000mAh బ్యాటరీ, 128GB / 256GB స్టోరేజ్ వేరియంట్లు అందుబాటులో ఉంటాయి.
AI ఫోకస్ – గూగుల్ జెమినితో కొత్తగా..
One UI 8 (Android 16) ఆధారంగా నడిచే ఈ ఫోన్లు Gemini Live అనే కొత్త ఫీచర్‌ తో వస్తున్నాయి. ఇందులో:
- హ్యాండ్స్‌ ఫ్రీ వాయిస్‌ కమాండ్స్‌ (విమాన టిక్కెట్లు, హోటల్‌ వివరాలు, ఫుడ్‌ ఆర్డర్‌)
- కెమెరా షేరింగ్ ద్వారా రియల్ టైమ్ విజువల్ సహాయం
- ఫోటో అసిస్టు, ఆడియో ఎరేసర్ వంటి ఎడిటింగ్ టూల్స్‌
ధరలు (భారత్‌లో):
| మోడల్ | ప్రారంభ ధర | |
| Galaxy Z Flip 7 FE | ₹89,999 | |
| Galaxy Z Flip 7 | ₹1,09,999 | |
| Galaxy Z Fold 7 | ₹1,74,999 | |
| Galaxy Watch 8 | ₹32,999 ప్రారంభ ధర | |
ఈ ఫోల్డబుల్ ఫోన్లు వాడకంలో స్టైల్‌, పనితీరులో శక్తివంతంగా ఉండేలా రూపొందించబడ్డాయి. వర్క్ & ఒంటిచేతి వాడకం కోసం ప్రత్యేకంగా రూపొందించిన ఈ ఫోన్లు, స్మార్ట్‌ఫోన్ మార్కెట్‌లో మరోసారి సామ్సంగ్ ఆధిపత్యాన్ని నిరూపించనున్నాయనే నమ్మకం టెక్ వర్గాల్లో ఉంది. ప్రధాన పోటీదారైన ఆపిల్ కూడా వచ్చే ఏడాది ఫోల్డబుల్ ఫోన్ల రంగంలోకి ప్రవేశించనున్న నేపథ్యంలో, సామ్సంగ్ చాలా జాగ్రత్త పడింది. ఇప్పటికే ఫోల్డబుల్ ఫోన్ల విషయంలో చాలా ముందున్న సామ్సంగ్ను సవాల్ చేయడం ఆపిల్కు కష్టసాధ్యమైన విషయంగా మొబైల్ నిపుణులు అభిప్రాయపడుతున్నారు.