విధాత:ఉపఎన్నిక జరగనున్న హుజూరాబాద్‌పై సీఎం కేసీఆర్‌ అంతులేనిప్రేమ ప్రదర్శిస్తున్నారని బీజేపీ నాయకురాలు,మాజీ ఎంపీ విజయశాంతి సోమవారం ఒక ప్రకటనలో ఎద్దేవా చేశారు.ప్రభుత్వయంత్రాంగం, అధికార పార్టీ ప్రజాప్రతినిధులందరూ ఈ నియోజకవర్గంలోనే మకాం వేసి వరాలు గుప్పిస్తున్నారని పేర్కొన్నారు.దళితుడిని సీఎం చేస్తానని,దళితులకు మూడెకరాల భూమి ఇస్తానని కేసీఆర్‌ వాగ్దానాలు చేసి మరిచారన్నారు.దళిత ఉప ముఖ్యమంత్రులకు దక్కిన మర్యాద మనం చూశామని,అలాగే ‘దళితబంధు’ కూడా ప్రకటనలకే పరిమితమవుతుందేమోన్న అనుమానం వ్యక్తం చేశారు.