సుప్రీమ్ కోర్ట్ ఆర్డర్ పాటించాలని డిమాండ్
NHRC దిశను అమలు చేయడానికి ఒక విజ్ఞప్తి
విధాత:కోవిడ్ -19 కష్టాలు దేశవ్యాప్తంగా సెక్స్ వర్కర్ల జీవితాలను దెబ్బతీశాయి. రాష్ట్రంలో సెక్స్ వర్కర్ల పరిస్థితి కూడా ఇదే. ఆంధ్రప్రదేశ్‌లో మొత్తం 120,000 మంది సెక్స్ వర్కర్లు గత రెండేళ్లుగా ఆకలి అంచునా ఉన్నారు. పరిస్థితిని అధిగమించడానికి, వారు ప్రైవేట్ రుణాలపై ఆధారపడి ఉన్నారు మరియు గత రెండు సంవత్సరాలుగా అప్పుల్లో చిక్కుకున్నారని విముక్తి రాష్ట్ర కన్వీనర్ శ్రీమతి మెహరున్నీసా ఆందోళన వ్యక్తం చేసారు.
కోవిడ్ నేపధ్యంలో జాతీయ మానవ హక్కుల కమిషన్, సెక్స్ వర్కర్స్ కు అన్ని రకాల కార్మికులు కు వలె వీరికి రేషన్, ఆర్థిక సహాయం, మరియు ఒంటరిగా ఉన్నవారికి రవాణా సౌకర్యాలు, మాస్క్లు మరియు శానిటైజర్లు మరియు ఆరోగ్య సలహాల అందించాలని ప్రభుత్వాలను ఆదేశించింది. ఈ మేరకు స్పష్టమైన సలహా ద్వారా భారతదేశంలోని ‘కార్మికులకు’ లభించే అన్ని హక్కులు మరియు అర్హతలు సెక్స్ వర్కర్లకు విస్తరించవచ్చని జాతీయ మానవ హక్కుల సంఘం కూడా పేర్కొంది, మరో కేసులో కోవిడ్ రిలీఫ్ సపోర్ట్ సర్వీసెస్ కింద లాక్ డౌన్ వ్యవధిలో సెక్స్ వర్కర్లకు ఉచిత రేషన్ పంపిణీ చేయాలని అన్ని ఇతర వర్గాలకు లాగ వీరిని ప్రభుత్వాలు ఆదుకోవాలి అని సుప్రీంకోర్టు సూచించింది.
సెక్స్ వర్కర్స్ మరియు అక్రమ రవాణా నుండి బయటపడిన కమ్యూనిటీ బేస్డ్ ఆర్గనైజేషన్ “ విముక్తి “, హెల్ప్ మరియు తఫతీష్ అనే సంస్థలు కలిసి ఇటీవల ఒక సర్వే నిర్వహించింది వీరిలో 90 శాతం మంది సెక్స్ వర్కర్లలు అప్పుల వలలలో చిక్కుకోన్నట్లు ఈ సర్యే ద్వార గుర్తించడం జరిగింది, అందులో వారు అనేక మైక్రో ఫైనాన్స్ ఇన్స్టిట్యూషన్స్ మరియు ప్రైవేట్ మనీ రుణదాతలు నుండి రుణాలు తీసుకున్నారు. మానవ అక్రమ రవాణా మరియు సెక్స్ వర్కర్ల నుండి బయటపడిన వారిపై లాక్డౌన్ల యొక్క ఆర్థిక ప్రభావంపై బహుళ రాష్ట్ర సర్వేలో భాగంగా ఈ సర్వే జరిగింది. విముక్తి డేటా ఆంధ్రప్రదేశ్‌లోని ప్రకాశం, గుంటూరు, కృష్ణ జిల్లాలకు చెందిన 142 మంది సెక్స్ వర్కర్ల నుండి సేకరించబడింది .
కోవిడ్ మొదటి వేవ్ సమయంలో మొత్తం 116 మంది సెక్స్ వర్కర్లు , ప్రస్తుత రెండవ కోవిడ్ సందర్భంగా 142 మంది సెక్స్ వర్కర్ల నుండి డేటాను సేకరించిన సర్వే ప్రకారం, అందులో 99 శాతం మంది ఇప్పటికీ రుణదాతలకు రుణపడి ఉన్నారు. వారు సగటున రూ. 52, 350/- కనిష్టంగా 5,000 రూపాయల నుండి గరిష్టంగా 4, 30,000 రూపాయల వరకు రుణాలు తీసుకున్నారు, ఇప్పటికి వీరు అప్పులతో కొనసాగుతున్నారు.
రెండవ కోవిడ్ సందర్భంగా సర్వే చేసిన 142 మంది లో 70 శాతం మంది అప్పుల్లో ఉన్నారు, వారిలో కొందరు రెండవ వేవ్ సమయంలో నే ఎక్కువ మొత్తం లో రుణాలు తీసుకొన్నారు, వీరిలో అత్యధిక రుణం 4,30,000 / – మరియు వడ్డీ రేటు నెలకు 15 నుండి 20%. ఈ కాలంలో రుణ మొత్తాలు రూ .5 వేల నుంచి రూ .5,50,000 వరకు ఉన్నాయి. రుణ మొత్తాలను ఆహారం కోసం మరియు ప్రైవేటు ఆసుపత్రులలో కోవిడ్ చికిత్సల కోసం పెద్ద మొత్తంలో డబ్బు ఖర్చు చేస్తున్నారు, ఎందుకంటే ప్రభుత్వ ఆసుపత్రులలో చికిత్స అందుబాటులో లేదు. అంచనా ప్రకారం 21.92% తక్కువ ప్రమాదంలో, 74% మధ్యస్థ ప్రమాదంలో, 4.08% అధిక ప్రమాదంలో ఉన్నారు.
విముక్తి రాష్ట్ర కన్వీనర్ మెహరున్నీసా సెక్స్ వర్కర్స్ వారి కుటుంబాలకు, వారి పిల్లల పోషణకు ఈ వృత్తే ఏకైక మార్గంగా ఉంది ” అని అన్నారు. ఈ సర్వేలో పాల్గొన్న చాలా మంది సెక్స్ వర్కర్ల పై 18 సంవత్సరాల కంటే తక్కువ వయస్సు ఉన్న పిల్లలు .. వృద్ధులైన పెద్దలు .. ఇతర కుటుంబ సభ్యులు ఆధారపడి ఉన్నారు.
“నా కుటుంబానికి రేషన్ సరిగ్గా అందడం లేదు. పెరుగుతున్న అప్పుల గురించి ఆందోళన పడుతున్నాం. కరోనా మమ్మల్ని చాలా ఇబ్బందులకు గురి చేసింది. మేము ఉన్న పరిస్థితుల్లో మాకు ఎలాంటి సహాయం అందడం లేదు .. మరెలాంటి పరిష్కారం కనిపించడంలేదు అని విముక్తి సభ్యులలో ఒకరైన పుష్ఫా అన్నారు.