చాలామంది ఒకే వాటర్ బాటిల్ను రోజుల తరబడి కడగకుండా ఉపయోగించడం సాధారణంగా కనిపిస్తుంది. కానీ ఇది ఆరోగ్యానికి ప్రమాదకరం అని నిపుణులు హెచ్చరిస్తున్నారు. బాటిల్ను ఎక్కువ రోజులు శుభ్రం చేయకపోతే లోపల బ్యాక్టీరియా పెరగడం ప్రారంభమవుతుంది.
ఆ బ్యాక్టీరియా నీటి రుచిని మార్చడమే కాకుండా కడుపు సమస్యలు, ఇన్ఫెక్షన్లకు కూడా కారణమయ్యే అవకాశం ఉంది. అందుకే ప్రతిరోజూ బాటిల్ను కడగడం ఉత్తమం. అది సాధ్యం కాకపోతే కనీసం రెండు నుంచి మూడు రోజులకు ఒకసారి అయినా బాగా శుభ్రం చేయాలని సూచిస్తున్నారు.
బాటిల్ శుభ్రపరిచే విధానంలో కూడా కొన్ని జాగ్రత్తలు అవసరం. బాటిల్ బయటి భాగాన్ని స్పాంజ్, గోరువెచ్చని నీరు మరియు కొద్దిగా డిష్వాషింగ్ లిక్విడ్తో శుభ్రం చేస్తే దుమ్ము, ధూళి తొలగిపోతాయి. లోపలి భాగాన్ని శుభ్రం చేయడానికి ప్రత్యేకంగా తయారు చేసిన బాటిల్ బ్రష్ ఉపయోగించడం మంచిది.