విధాత, హైదరాబాద్‌: సైబర్ నేరగాలకి పోలీసులు అడ్డుకట్ట వేయలేకపోతున్నారు. ఈ సారి ఏకంగా పోలీస్ శాఖలోని ఒక ఉన్నత వ్యక్తిని టార్గెట్ చేశారు. నగ్న వీడియోలను చూపించి లక్షల రూపాయలు దండుకున్నారు. డబ్బులు ఎంత పంపించినప్పటికీ వారి అరాచకం రోజురోజుకీ పెరిగిపోవడంతో.. విసిగిపోయిన ఆయన పోలీసులకు ఫిర్యాదు చేశారు. వివరాళ్లోకి వెళితే..
మహిళ మార్ఫింగ్ వీడియోతో చర్లపల్లి జైల్ డిప్యూటీ సూపరింటెండెంట్ దశరథంను సైబర్ నేరగాళ్లు ట్రాప్ చేశారు. మీ న్యూడ్ కాల్‌ను యూట్యూబ్‌లో అప్లోడ్ చేస్తామని బెదిరిస్తూ వరుసగా డబ్బులు వసూలు చేయడం ఆరంభించారు. నగ్న వీడియోలు యూట్యూబ్‌లో వైరల్ చేయ్యకుండా ఉండాలంటే అడిగినంత డబ్బివ్వాలని సైబర్ గ్యాంగ్ బెదిరింపులకు పాల్పడింది. దీంతో జైలర్ దశరథం మొదట రూ.35,000 ఫోన్ పే చేశారు. సైబర్ నేరగాళ్ల అరాచకం రోజు రోజుకు పెరిగిపోవడంతో ఆయన కుషాయిగూడ పోలీసులకు ఫిర్యాదు చేశారు.
అయితే.. మల్లీ మరోరోజు కాల్ చేసి మరోసారి రూ.65000 డిమాండ్ చేయడంతో రెండో సారి కూడా తన బ్యాంక్ నుంచి డబ్బులు చెల్లించారు. అయినా ఆశ చావని వదలని కేటు గాళ్ళు.. మళ్ళీ మళ్ళీ ఫోన్లు చేసి రూ.85000 కావాలని డిమాండ్ చేశారు. దీంతో విసిగిపోయిన దశరథం చివరికి కూషాయిగుడ పోలీసులకు ఫిర్యాదు చేశారు. చర్లపల్లి జైల్ డిప్యూటీ సూపరింటెండెంట్ దశరథం తెలిపిన వివరాల ప్రకారం కేసు నమోదు చేసుకున్న పోలీసులు దర్యాప్తు ప్రారంభించారు.