Honor X8B Moblie | చైనాకు చెందిన ప్రముఖ మొబైల్ హువావే హానర్ కంపెనీ సరికొత్తగా మిడ్‌రేంజ్‌ స్మార్ట్‌ఫోన్‌ లాంచ్‌ చేసింది. ఈ మోడల్‌ పేరు హానర్ ఎక్స్8బీ. ఈ మోడల్‌ను కంపెనీ సౌదీ అరేబియాలో అందుబాటులోకి తీసుకువచ్చింది. ఈ మోడల్‌ ఫీచర్స్ ఎలా ఉన్నాయో తెలుసుకుందాం..
ఫీచర్స్ ఇవే..
హానర్ ఎక్స్8బీ మొబైల్‌లో 90 హెచ్జెడ్ రిఫ్రెష్ రేట్తో కూడిన 6.7 ఇంచ్ ఫుల్హెచ్డీ ప్లస్‌ అమోలెడ్ డిస్ప్లే ఉంటుంది. దీని సైజ్‌ 161.05 x 74.5 x 6.78ఎంఎం ఉండగా.. ఈ మొబైల్ బరువు 166 గ్రాములుంటుంది. హానర్ ఎక్స్8బీ ఫ్రెంట్లో పిల్ షేప్ కటౌట్ కనిపిస్తుంది. సెల్ఫీ, వీడియో కాల్స్ కోసం 50ఎంపీ ఫ్రెంట్ కెమెరాతో పాటు సాఫ్ట్ ఎల్ఈడీ ఫ్లాష్ కూడా ఉంటుంది. ఇక రియల్‌లో 108ఎంపీ ప్రైమరీ, 5 ఎంపీ అల్ట్రా-వైడ్, 2 ఎంపీ మాక్రో లెన్స్తో కూడిన ట్రిపుల్ కెమెరా సెటప్తో వస్తుంది.
స్నాప్డ్రాగన్ 680 చిప్సెట్ ఉండగా.. ఆండ్రాయిడ్ 14 ఆధారిత మాజిక్ ఓఎస్ 7.2 యూఐ సాఫ్ట్వేర్పై నడుస్తుంది. మేజిక్ క్యాప్సూల్ నోటిఫికేషన్ ఫీచర్ సైతం మొబైల్‌లో ఉన్నది. 4,500 ఎంఏహెచ్ బ్యాటరీ, 35వాట్ ఫాస్ట్ ఛార్జింగ్ సపోర్ట్ లభిస్తుంది. అంతే కాకుండా డ్యూయెల్ సిమ్, 4జీ వోల్ట్ఈ, వైఫై 802.11ఏసీ, బ్లూటూత్ 5.0జీ, జీపీఎస్, యూఎస్బీ టైప్ సీ పోర్ట్, సైడ్ ఫేసింగ్ ఫింగర్ప్రింట్ స్కానర్లు కనెక్టివిటీ ఫీచర్స్ ఉన్నాయి.
హానర్ ఎక్స్8బీ ధర ఎంత ఉందంటే..?
హానర్ ఎక్స్8బీలో మూడు వేరియంట్లు ఉన్నాయి. 8జీబీ ర్యామ్.. 128జీబీ స్టోరేజ్, 8జీబీ ర్యామ్.. 256జీబీ స్టోరేజ్, 8జీబీ ర్యామ్.. 512జీబీ స్టోరేజ్ వేరియంట్లు ఉన్నాయి. మొబైల్ ప్రారంభ ధర 240 డాలర్లు ఉన్నది. భారతీయ కరెన్సీలో సుమారు రూ.20వేలు. ఇక స్మార్ట్‌ఫోన్‌ మూడుకలర్లలో వస్తుంది. మిడ్‌నైట్‌ బ్లాక్‌, టిటానియం సిల్వర్‌, గ్లామరస్‌ గ్రీన్‌ కలర్స్‌ అందుబాటులో ఉంది. అయితే, ఈ మోడల్‌లో మోడల్‌లో ఎప్పుడు లాంచ్‌ అవుతుందన్నది తెలియరాలేదు. దీనిపై కంపెనీ అధికారికంగా ప్రకటించాల్సి ఉంది.
