విధాత: వరంగల్‌ కేఎంసీ వైద్య విద్యార్థిని ప్రీతి ఆరోగ్య పరిస్థితి మొదటి రోజు పోలిస్తే మరింత క్షీణించిందని ఆమె తండ్రి తెలిపారు. ఆయన ఈ రోజు మీడియాతో మాట్లాడుతూ.. వైద్యులై వెంటిలేటర్‌పై చికిత్స అందిస్తున్నప్పటికీ తన కూతురు బతుకుతుందనే ఆశలు కనిపించడం లేదని ఆవేదన వ్యక్తం చేశారు.
ప్రీతి శరీరం రంగు కూడా మారిపోతున్నది. వైద్యులు మెరుగైన చికిత్స అందిస్తారని ఆశించినప్పటికీ అలాంటి పరిస్థితి కనిపించడంలేదన్నారు. ఏదైనా అద్భుతం జరుగుతుందేమోనని ఆశించాము కానీ ఆశలు వదిలిసేకున్నట్లు తెలిపారు. ప్రీతి ఆరోగ్యం ఏ మాత్రం మెరుగుపడటం లేదు. బతికే అవకాశాలు లేవని వైద్యులు కూడా చెప్పారని వెల్లడించారు.