టాలీవుడ్లో హాస్య బ్రహ్మగా గుర్తింపు తెచ్చుకున్న లెజెండరీ నటుడు బ్రహ్మానందం గురించి ప్రత్యేకంగా చెప్పాల్సిన అవసరం లేదు. కేవలం తన ఎక్స్ప్రెషన్స్తోనే థియేటర్లలో నవ్వుల పూలు పూయించే ఈయన, వెండితెరపై కనిపిస్తే చాలు ఫ్యాన్స్ ఈలలతో థియేటర్లు మార్మోగిపోతాయి.
తాజాగా బ్రహ్మానందం ఆస్తులకు సంబంధించిన కొన్ని ఆసక్తికరమైన విషయాలు సోషల్ మీడియాలో తెగ వైరల్ అవుతున్నాయి. ఆయన సంపాదన చూస్తే స్టార్ హీరోలు కూడా నోరెళ్లబెట్టాల్సిందే. దాదాపు 1000కి పైగా సినిమాల్లో నటించి గిన్నిస్ వరల్డ్ రికార్డ్ క్రియేట్ చేసిన బ్రహ్మానందం, భారతదేశంలోనే అత్యధిక ఆస్తి కలిగిన కమెడియన్గా అగ్రస్థానంలో నిలిచారు.
బాలీవుడ్ స్టార్ కమెడియన్లు కపిల్ శర్మ, జానీ లీవర్ కంటే కూడా మన బ్రహ్మీ ఆస్తుల విలువ చాలా ఎక్కువని నివేదికలు చెబుతున్నాయి. తాజా సమాచారం ప్రకారం బ్రహ్మానందం మొత్తం ఆస్తుల విలువ సుమారు రూ. 320 కోట్ల నుండి రూ. 350 కోట్ల వరకు ఉంటుందని అంచనా.