బయట నుంచి చూసేవాళ్లకు ఇండస్ట్రీ ఒక రంగుల ప్రపంచంలా కనిపిస్తుంది. వాళ్లకేంట్రా కోట్లల్లో రెమ్యూనరేషన్లు, లగ్జరీ లైఫ్ అని అనుకుంటుంటాం. కానీ వాళ్లు ఎన్ని కష్టాలు పడ్డారో వాళ్లకే తెలుసు. ఇండస్ట్రీలో అందరి జీవితాలు పూలపాన్పులు కావు. కొందరు ముళ్ల కిరీటాలు కూడా. అలా ముళ్ల కిరీటంను వజ్రాల కిరీటంలా మార్చుకున్న నటుడు గురించి తెలుసుకుందాం.
ఆయన మరెవరో కాదు నవాజుద్దీన్ సిద్దిఖీ. వెంకీమామ హీరోగా సైలేష్ కొలను దర్శకత్వంలో వచ్చిన సైంధవ్ సినిమాతో తెలుగులో సూపర్ క్రేజ్ సంపాదించుకున్నాడు నవాజుద్దీన్ సిద్దిఖీ. నిజానికి హిందీ సినిమాలు చూసేవాళ్లకు ఈయన గరించి ప్రత్యేక పరిచయం అక్కర్లేదు.
బాలీవుడ్లో ఉన్న మోస్ట్ వర్సటైల్ యాక్టర్లలో నవాజుద్దీన్ సిద్దిఖీ ఒకరు. ఉత్తరప్రదేశ్లోని ఒక చిన్న గ్రామంలో జన్మించిన నవాజుద్దీన్ సిద్దీకి.. నటుడు అవుదామని కేవలం రూ.2500 జేబులో పెట్టుకుని ముంబై వచ్చేశాడు. ఇక్కడ అవకాశాలు వెతుక్కునే క్రమంలో బ్రతకడానికి సెక్యూరిటీ గార్డుగా కూడా పనిచేశాడు.
కట్ చేస్తే, 2012లో బాలీవుడ్ స్టార్ డైరెక్టర్ అనురాగ్ కశ్యప్ దర్శకత్వం వహించిన 'గ్యాంగ్స్ ఆఫ్ వాస్సేపూర్' సినిమా నవాజుద్దీన్ కెరీర్నే మార్చేసింది. ఈ సినిమాలో ఫైజల్ ఖాన్గా టెర్రిఫిక్ రోల్ ప్లే చేశాడు. అంతేకాదు ఈ సినిమాలో ఆయన నటనకు నేషనల్ అవార్డు సైతం వరించింది.