విధాత: దేశంలో చెలామణిలో ఉన్న రూ. 2 వేల నోట్లను రిజర్వ్ బ్యాంక్ ఉపసంహరించుకున్నది. ఈ మేరకు శుక్రవారం ఆర్బీఐ కీలక నిర్ణయాన్ని వెల్లడించింది. క్లీన్ నోట్ల పాలసీలో భాగంగా రూ. 2 వేలనోట్ల చెలామణిని ఉపసంహరించుకున్నట్లు ఆర్బీఐ తెలిపింది.
₹2000 Denomination Banknotes – Withdrawal from Circulation; Will continue as Legal Tenderhttps://t.co/2jjqSeDkSk
— ReserveBankOfIndia (@RBI) May 19, 2023
ఈనోట్లను సర్కులేషన్లో ఉంచ వద్దని బ్యాంకులను ఆర్బీఐ ఆదేశించింది. రెండు వేల రూపాయల నోట్లను ఈ నెల23వ తేదీ నుంచి సెప్టెంబర్ 30 వరకు బ్యాంకులు, ఆర్బీఐ కార్యాలయాల్లో మార్చుకోవడానికి అవకాశం ఇచ్చింది. ఈమేరకు ఒక్కొక్కరు ఒక్క విడతలో రూ. 20 వేలు మాత్రమే మార్చుకోవాలని తెలిపింది.
నోట్ల రద్దు తరువాత 10నవంబర్ 2016 నుంచి రూ. 2 వేల నోట్లను చెలామణిలోకి తీసుకువచ్చిన కేంద్రం 2018 నుంచి వీటి ముద్రను నిలిపి వేసింది. దేశ వ్యాప్తంగా ప్రస్తుతం 3.5 లక్షల కోట్ల రెండు వేల రూపాయల నోట్లు చెలామణిలో ఉన్నాయని తెలిపింది.
