విధాత : అక్కినేని ఇంటికోడలు..నాగచైతన్య సతీమణి శోభిత ధూళిపాల ఓటీటీలో ఓ అరుదైన రికార్డు సొంతం చేసుకుంది. శోభిత ధూళిపాలతో సురేష్ ప్రొడ‌క్ష‌న్స్ ఓ వెబ్ మూవీ నిర్మించింది. ఈ చిత్రానికి ‘చీకట్లో’ అనే టైటిల్ ఫిక్స్ చేశారు.శ‌ర‌ణ్ కొప్పిశెట్టి దర్శ‌క‌త్వం వ‌హించారు. అమేజాన్ ప్రైమ్ లో దాదాపు 18 భాషల్లో ఈ సినిమాని విడుదల చేయబోతున్నారు. ఓటీటీలో ఇన్ని భాషల్లో ఓ సినిమాని డబ్ చేయ‌డం ఇదే తొలిసారి కావడంతో శోభిత ఖాతాలో అరుదైన రికార్డు నమోదుకానుంది. ‘చీకట్లో’ వెబ్ మూవీ న‌వంబ‌రులో రిలీజ్‌ చేసేందుకు మేకర్స్ సన్నాహాలు చేస్తున్నారు.
శోభిత దూళిపాల తెలుగులో గూఢచారి, మేజర్‌ చిత్రాలలో నటించింది. హిందీలో.. రామన్‌ రాఘవ్‌ 2.0, చెఫ్‌, ద బాడీ, లవ్‌ సితార వంటి సినిమాలు చేసింది. తమిళంలో పొన్నియన్‌ సెల్వన్‌ ఫస్ట్‌, సెకండ్‌ పార్ట్స్‌లో నటించింది. మలయాళంలోనూ రెండు సినిమాలు చేసింది. ఓటీటీలో మేడ్‌ ఇన్‌ హెవెన్‌, ద నైట్‌ మేనేజర్‌ వెబ్ సిరీస్‌లలోనూ నటించింది. శోభిత దూళిపాల ప్రస్తుతం తమిళంలో పా రంజిత్‌ డైరెక్షన్‌లో ‘వెట్టువం’ మూవీలో నటిస్తుంది.