Telusu Kada Review — A Bold Urban Romantic Drama
నటీనటులు: సిద్ధు జొన్నలగడ్డ, రాశి ఖన్నా, శ్రీనిధి శెట్టి, వైవా హర్ష, ఆన్నపూర్ణమ్మ, రోహిణి, సంజయ్ స్వరూప్
దర్శకత్వం/రచన: నీరజ కోన | నిర్మాతలు: టీజీ విశ్వప్రసాద్, కృతి ప్రసాద్ (People Media Factory)
సంగీతం: థమన్‌ S | సినిమాటోగ్రఫీ: జ్ఞాన శేఖర్ VS | ఎడిటింగ్: నవీన్ నూలి
విడుదల తేది: అక్టోబర్ 17, 2025
సంక్షిప్తంగా
స్టైలిష్ట్‌ నీరజ కోన దర్శకత్వంలో రూపొందిన తెలుసు కదా సరోగసీ అంశంతో తెరకెక్కిన ఒక సున్నితమైన అర్బన్‌ రొమాంటిక్‌ డ్రామా. సిద్ధు జొన్నలగడ్డ, రాశి ఖన్నా, శ్రీనిధి శెట్టి ముగ్గురి మధ్య భావోద్వేగాల సంఘర్ణణే సినిమా హైలైట్‌. మొదటి భాగం ఆసక్తికరంగా, రెండో భాగం కొంత గందరగోళంగా సాగినా సినిమాకు న్యాయం చేసిన ఎపిసోడ్లు ఉన్నాయి.
కథ (Story)
వరుణ్‌ కుమార్‌ (సిద్ధు జొన్నలగడ్డ) అనాథగా పెరిగి స్టార్‌ హోటల్‌లో చెఫ్‌గా ఎదిగుతాడు. తన జీవితంలో పెద్ద కల — భార్య, పిల్లలతో ఉన్న సాధారణ కుటుంబం. కానీ కాలేజీ రోజుల్లో ప్రేమించిన రాగా (శ్రీనిధి శెట్టి) “వివాహం అనేది సమాజం సృష్టించిన బంధం” అని చెప్పి అతని జీవితాన్ని విడిచి వెళ్తుంది. ఆ విరహం వరుణ్‌ మనసులో లోతైన గాయంగా మిగులుతుంది.
ఏళ్ల తర్వాత వరుణ్‌ జీవితంలోకి అంజలి (రాశి ఖన్నా) ప్రవేశిస్తుంది. మ్యాట్రిమోనియల్ సైట్ ద్వారా పరిచయమైన అంజలి, వరుణ్‌ విలువలకు దగ్గరైన అమ్మాయి. ఇద్దరూ పెళ్లి చేసుకుని సంతోషంగా జీవిస్తుంటారు. కానీ పెళ్లి తర్వాత అంజలి తల్లి కాలేదనే వైద్యుల నిర్ధారణతో దంపతుల కలల ప్రపంచం కూలిపోతుంది.
తల్లి కావాలనే తపనలో అంజలి సరోగసీ (IVF) మార్గాన్ని ఎంచుకుంటుంది. ఆమె కలిసింది ప్రసిద్ధ వైద్యురాలు — డాక్టర్‌ రాగా కుమార్‌. ఆ రాగా ఎవరో కాదు, అదే వరుణ్‌ మాజీ ప్రియురాలు. తన మాజీ ప్రేయసి తన భార్య మాతృత్వపు కలను నెరవేర్చబోతుందనే విషయం తెలుసుకున్న వరుణ్‌ భావోద్వేగాల వలయంలో కూరుకుపోతాడు.
ముగ్గురు ఒక్క ఇంట్లో నివసించే పరిస్థితి ఏర్పడుతుంది. భార్య అంజలి, మాజీ ప్రేమికురాలు రాగా, మరియు మధ్యలో చిక్కుకున్న వరుణ్‌. ఇక్కడినుంచి సినిమా నిజమైన భావోద్వేగాలకు దారితీస్తుంది — ప్రేమ, బాధ్యత, కృతజ్ఞత, మరియు అంతర్మథనం. “మనిద్దరం ఒకరికి మరొకరం కావాల్సిన వాళ్లం… కానీ వరుణ్‌ ఎవరికి కావాలో ఆయనకే తెలియదు” అని రాగా చెప్పే సన్నివేశం హృదయాన్ని తాకుతుంది.
రాగా గర్భం దాల్చిన తర్వాత అంజలి, వరుణ్‌ మధ్య గొడవలు మొదలవుతాయి. వరుణ్‌ తనలో చెలరేగుతున్న సంఘర్షణతో నలిగిపోవడం, అంజలి తన నమ్మకాన్ని నిలబెట్టుకోవడం, రాగా తన గత తప్పిదాలను సరిదిద్దుకోవడం — ఈ మూడు ఘటనలు కథను సినిమాను చివరిదాకా నడిపిస్తాయి. క్లైమాక్స్‌లో మూడు పాత్రల నిర్ణయాలు ప్రేక్షకులను ఆలోచనలో పడేస్తాయి. చివరికి ఎవరి నిజమైనది? ఎవరి త్యాగం గొప్పది? అనేది సినిమాకి ముగింపు ప్రశ్న.
ప్లస్ పాయింట్లు
- సరోగసీ నేపథ్యంలో సాహసమైన కొత్త కాన్సెప్ట్‌
- సిద్ధు జొన్నలగడ్డ పరిపక్వ నటన — ‘టిల్లు’ హ్యాంగోవర్‌ నుంచి బయటకు వచ్చి వేరే కోణం చూపించాడు
- రాశి ఖన్నా, శ్రీనిధి శెట్టి ఇద్దరూ పాత్రలకు న్యాయం చేశారు
- థమన్‌ సంగీతం, పాటలు, BGM ఆకర్షణీయంగా ఉన్నాయి
- జ్ఞానశేఖర్‌ ఛాయాగ్రహణం ప్రతి ఫ్రేమ్‌లో రిచ్ లుక్‌ ఇచ్చింది
మైనస్ పాయింట్లు
- రెండో అర్ధభాగం కొంత గందరగోళంగా సాగింది
- వరుణ్‌ క్యారెక్టర్‌లో స్పష్టత లోపించింది
- డైలాగ్స్‌ కొన్నిసార్లు అతిగా అనిపిస్తాయి
- మాస్‌ ఆడియన్స్‌కి సినిమాకు కనెక్ట్ కావడం కష్టం
సాంకేతికంగా
థమన్‌ సాంగ్స్‌, నేపథ్య సంగీతం సినిమా బలం. జ్ఞాన శేఖర్ సినిమాటోగ్రఫీ ఫ్రేమ్స్‌ అద్భుతంగా ఉన్నాయి. కోన నీరజ డైరెక్షన్‌ డెబ్యూ అయినా సున్నితమైన హ్యాండ్లింగ్‌ కనిపిస్తుంది. ఎడిటింగ్‌లో కొంత కఠినంగా ఉండాల్సింది. ప్రొడక్షన్ విలువలు, కాస్ట్యూమ్స్ అత్యుత్తమం.
తెలుసు కదా ఒక సాహసవంతమైన అర్బన్‌ లవ్ డ్రామా — సమకాలీన సంబంధాల పై కొత్త దృష్టితో సాగే కథ. మొదటి భాగం ఆకట్టుకునేలా సాగినా, రెండో భాగంలో కాస్త నెమ్మదిగా ఉంటుంది. యువత, సిటీ ఆడియన్స్‌కి బాగా కనెక్ట్ అయ్యే అవకాశం ఉంది. భావోద్వేగాలు ఇష్టపడే వారికి మాత్రం worth a watch.
Telusu Kada isn’t your regular love story — it’s a bold, sensitive take on modern relationships and surrogacy. Neeraja Kona’s debut balances emotion and restraint, with Siddhu Jonnalagadda delivering a deeply layered performance alongside Raashii Khanna and Srinidhi Shetty. Beautifully shot and musically rich, the film’s first half shines while the latter feels uneven. A heartfelt, urban romantic drama for today’s generation. Vidhaatha Rating: 2.75/5