Plane crash: అహ్మదాబాద్ లో ఘోర విమానప్ర‌మాదం జరిగిన అనంత‌రం.. విమాన ప్ర‌మాదాల మీదే చ‌ర్చ జ‌రుగుతున్న‌ది. అస‌లు విమాన ప్రమాదాలు జ‌ర‌గానికి కార‌ణాలు ఏంటి? సాంకేతిక పరమైన అంశాలే ఉంటాయా… మానవ తప్పిదాల వల్ల విమాన ప్రమాదాలు జరిగే అవకాశం ఉందా.. అన్న కారణాలను ఈ కథనంలో తెలుసుకుందాం.. మానవ తప్పిదాల వల్లే చాలా సార్లు విమానా ప్రమాదాలు జరుగుతాయని తెలుస్తున్నది. దాదాపు 50 నుంచి 70 శాతం వరకు విమన ప్రమాదాలకు సిబ్బంది నిర్లక్ష్యం వల్లే జరగుతుంటాయని సమాచారం.
పైలట్ లోపాలు
ఒక్కోసారి పైటట్ల నిర్ష్యం వల్ల ప్రమాదాలు జరగొచ్చు. 1977లో టెనెరిఫ్ విమానాశ్రయంలో రెండు విమానాల ఢీకొనడం పైలట్ కమ్యూనికేషన్ లోపం వల్ల జరిగింది. ఎయిర్ ట్రాఫిక్ కంట్రోల్ తప్పుడు సూచనలు సమన్వయ లోపం వద్ద ఈ ప్రమాదం చోటు చేసుకున్నది. నిర్వహణ లోపాలు: సరైన తనిఖీలు లేకపోవడం లేదా నిర్వహణలో అజాగ్రత్త వల్ల సాంకేతిక సమస్యలు తలెత్తుతాయి.
సాంకేతిక లోపాలు
విమానం యొక్క యాంత్రిక లేదా ఎలక్ట్రానిక్ వ్యవస్థలల్లో లోపాల వల్లే ప్రమాదాలు జరుగతూ ఉంటాయని విమాన రంగనిపుుల చెబుతున్నారు. డిజైన్ లోపాలు: బోయింగ్ 737 మాక్స్ ప్రమాదాలు (2018-2019) సాఫ్ట్‌వేర్ లోపాలకు ఉదాహరణగా చెబుతున్నారు. తప్పుడు డేటా వల్ల పైలట్లు తప్పుడు నిర్ణయాలు తీసుకోవచ్చు. కఠినమైన నిర్వహణ షెడ్యూల్స్, రెగ్యులర్ తనిఖీలు, ఆధునిక డయాగ్నస్టిక్ చేయడంతో సాంకేతిక సమస్యలను ముందుగా గుర్తించవచ్చు. రిడెండెంట్ సిస్టమ్స్ (బ్యాకప్ సిస్టమ్స్) ప్రమాద ప్రమాదాన్ని తగ్గిస్తాయి.
వాతావరణ పరిస్థితులు
వాతావరణ పరిస్థితులు అనుకూలించకపోవడం వల్ల కూడా విమాన ప్రమాదాలు జరగవచ్చు. ప్రపంచంలో దాదాపుగా 10 నుంచి 15 శాతం ప్రమాదాలు వాతావరణ పరిస్థితులు అనుకూలించపోవడం వల్లే జరుగుతున్నట్టు సమాచారం. తుఫానులు మరియు ఉరుములు, గాలి తీవ్రత లేదా మెరుపులు విమాన నియంత్రణను దెబ్బతీస్తాయి. మంచు లేదా హిమపాతం: రన్‌వేలపై మంచు లేదా విమానంపై మంచు ఏర్పడటం. పక్షి ఢీకొట్టడం.. ఇంజిన్‌లోకి పక్షులు చేరడం వల్ల వైఫల్యం వల్ల.. లైటింగ్ సమస్యలు కూడా ఒక్కోసారి విమనా ప్రమాదానికి కారణం అవుతాయి.
అహ్మదాబాద్‌లో విమానం ఎందుకు కుప్పకూలింది
అహ్మదాబాద్‌లో జరిగిన ఎయిర్ ఇండియా విమాన ప్రమాదం (ఫ్లైట్ AI-171, జూన్ 12, 2025)కి సంబంధించి కచ్చితమైన కారణం ఇంకా అధికారికంగా నిర్ధారించలేదు. విమానం టేకాఫ్ అయిన కొద్ది సెకన్లలోనే గణనీయమైన శక్తి కోల్పోయినట్లు వీడియో ఆధారాలు సూచిస్తున్నాయి. నిపుణులు రెండు ఇంజిన్లలో ఏకకాలంలో వైఫల్యం సంభవించి ఉండవచ్చని భావిస్తున్నారు. ఇది అరుదైన సంఘటన అయినప్పటికీ, ఇంధన కలుషితం లేదా ఇంజిన్ లోపం వల్ల జరిగి ఉండొచ్చని అనుమానిస్తున్నారు. అహ్మదాబాద్ విమానాశ్రయం పక్షి ఢీకొనడం సంఘటనలకు ప్రసిద్ధి చెందినది. 2022–23లో 38 పక్షి ఢీకొనడం సంఘటనలు నమోదయ్యాయి, ఇది మునుపటి సంవత్సరం కంటే 35% ఎక్కువ.
పక్షులు ఇంజిన్లలోకి చేరడం వల్ల ఒకటి లేదా రెండు ఇంజిన్లు విఫలమై ఉండవచ్చు, ఇది విమానం ఎత్తు పెరగకపోవడానికి కారణం కావచ్చు.
కాన్ఫిగరేషన్ సమస్యలు
వీడియో ఫుటేజీలో విమానం ల్యాండింగ్ గేర్ ఇంకా రిట్రాక్ట్ కాకుండా ఉన్నట్లు కనిపించింది, ఇది టేకాఫ్ దశలో అసాధారణం. ఇది హైడ్రాలిక్ సమస్య లేదా పైలట్లు సరైన ప్రోటోకాల్‌లను పాటించకపోవడం వల్ల జరిగి ఉండవచ్చు. ఫ్లాప్స్ లేదా స్లాట్స్ సరిగ్గా సెట్ కాకపోవడం కూడా విమానం లిఫ్ట్ కోల్పోవడానికి కారణం కావచ్చని నిపుణులు సూచిస్తున్నారు.
మానవ తప్పిదం
పైలట్లు టేకాఫ్ సమయంలో సరైన చెక్‌లిస్ట్‌లను పాటించకపోవడం లేదా కాక్‌పిట్‌లో ఏదైనా ఆటంకం (distraction) వల్ల తప్పిదం జరిగి ఉండవచ్చు. ఉదాహరణకు, ఫ్లాప్స్ సెట్టింగ్‌లను తనిఖీ చేయడంలో విఫలమవడం.
అయితే, పైలట్ కెప్టెన్ సుమీత్ సభర్వాల్‌కు 8,200 గంటల ఫ్లైయింగ్ అనుభవం ఉంది, ఇది ఈ సిద్ధాంతాన్ని సందేహాస్పదం చేస్తుంది.