javelin |
- షూలేస్‌ కట్టుకోవడానికి వంగ‌గా త‌లిగిన ఈటె
- పాఠశాల మైదానంలో ప్రాక్టీస్ చేస్తుండ‌గా దుర్ఘ‌ట‌న
విధాత: మహారాష్ట్రలోని రాయ్‌గఢ్ జిల్లాలో దారుణం జ‌రిగింది. పాఠశాల మైదానంలో ప్రాక్టీస్ చేస్తుండ‌గా, జావెలిన్ (ఈటె) తలకు గుచ్చుకోవడంతో విద్యార్థి మ‌ర‌ణించాడు. పోలీసుల వివ‌రాల ప్ర‌కారం.. మంగావ్ తాలూకా గోరేగావ్ పురార్‌లోని ఐఎన్‌టీ ఇంగ్లీష్ మీడియం స్కూల్‌ జావెలిన్ టీమ్‌లో చురుకైన సభ్యుడైన హుజెఫా దావేర్ రాబోయే తాలూకా స్థాయి మీట్‌కు సిద్ధమవుతున్నాడు.
జావెలిన్ తలకు గుచ్చుకోవడంతో దావ‌రే అక్కడికక్కడే కుప్పకూలిపోయాడు. తీవ్ర రక్తస్రావమైన విద్యార్థిని ఆస్పత్రికి తరలించేలోపే మృతి చెందినట్టు అధికారి తెలిపారు. పోలీసులు కేసు ద‌ర్యాప్తు చేస్తున్నారు. పాఠశాలలో అమర్చిన సీసీటీవీ కెమెరాలు, క్రీడా మైదానాన్ని కవర్ చేస్తున్న దృశ్యాలను కూడా పోలీసులు ఆరా తీస్తున్నారు.