విధాత, మెదక్ బ్యూరో: సిద్దిపేట నిరుద్యోగ యువత ముంగిట‌కు ఉద్యోగ ఉపాధి అవకాశాలు తొందరలోనే రాబోతున్నాయ‌ని మంత్రి హరీష్ రావు అన్నారు. సిద్దిపేటలో ప్రభుత్వ పరంగా నిర్మిస్తున్న ఐటీ టవర్ నిర్మాణ పనులను మంత్రి హరీష్ రావు సంబంధిత అధికారులతో క‌లిసి పరిశీలించారు.
క్షేత్ర స్ధాయిలో టవర్ నిర్మాణ పనులు క్షుణ్ణంగా పరిశీలించారు. పలు సూచనలు చేశారు. పనులు వేగవంతంగా చేపట్టాలని చెప్పారు. సిద్దిపేట స్థానిక యువతకు ఉపాధి కల్పించాలనే సంకల్పంతోనే సిద్దిపేట ఐటీ టవర్ ఏర్పాటు చేసుకున్నామని చెప్పారు.
సిద్దిపేట ప్రాంత యువతకు గొప్ప వరం ఐటీ టవర్ అని అన్నారు. వచ్చే మార్చి కల్లా పనులు పూర్తి కావాలని, ఏప్రిల్ మొదటి వారంలో ప్రారంభానికి సిద్ధం చేయాలని అధికారులను ఆదేశించారు.