విధాత, వరంగల్ ప్రత్యేక ప్రతినిధి: తెలంగాణ హోం శాఖ మంత్రి మహమూద్ ఆలీపై కాంగ్రెస్ నాయకుడు బక్క జడ్సన్ ఎస్ఆర్ నగర్ పోలీస్ స్టేషన్ లో ఫిర్యాదు చేశారు. మంత్రి తన గన్ మెన్ పై చేయి చేసుకున్నారన్నారు. మంత్రి తలసాని శ్రీనివాస్ యాదవ్ పుట్టిన రోజు వేడుకలను కోట్ల విజయ భాస్కర్ రెడ్డి స్టేడియంలో నిర్వహించారు.
తలసాని పుట్టినరోజు వేడుకలకు హాజరైన మహమూద్ ఆలీ.. బొకే ఎక్కడ అంటూ గన్ మెన్ పై అగ్రహం వ్యక్తం చేశారు. అదే సమయంలో సహనం కోల్పోయి గన్ మెన్ చెంప చెల్లుమనిపించారు. దీంతో షాక్ అయిన సదరు గన్మెన్ నిస్సహాయంగా మంత్రిని అలాగే చూస్తుండి పోయారు.
ఈ ఘటనపై డ్యూటీలో ఉన్న కాన్స్టేబుల్ పై చేయి చేసుకున్న హోమ్ మంత్రి మహమూద్ ఆలీ పై భారతీయ శిక్షాస్మృతి, 1860, చట్టప్రకారం తనపై విధించిన విధులను నిర్వర్తిస్తున్న ప్రభుత్వ అధికారి లేదా సేవకుడిపై అటువంటి దాడి లేదా నేరపూరిత బలాన్ని ఉపయోగించకుండా కాపాడుతుందని ఆయన తన ఫిర్యాదులో పేర్కొన్నారు. ఈ చర్యలు కోడ్ సెక్షన్ 353 ప్రకారం శిక్షార్హమైనవని, చట్టం వరుసగా సెక్షన్ 351, 350 కింద చట్ట రీత్యా చర్యలు తీసుకోవాలని ఆయన కోరారు.