Anil Ravipudi | మెగాస్టార్ చిరంజీవి హీరోగా, అనిల్ రావిపూడి దర్శకత్వంలో తెరెక్కుతున్న చిత్రం ‘మన శంకర వరప్రసాద్ గారు’ ఈ సంక్రాంతికి తెలుగు ప్రేక్షకులను అలరించేందుకు సిద్ధమైంది. చిరంజీవి అసలు పేరునే టైటిల్‌గా పెట్టడం సినిమాపై ఆసక్తిని రెట్టింపు చేస్తే… మెగా ఫ్యాన్స్ అయితే ఈ టైటిల్‌తోనే పండుగ మూడ్‌లోకి వెళ్లిపోయారు. ఫ్యామిలీ ఎమోషన్స్, వినోదం, మెగాస్టార్ స్టైల్ ప్యాకేజ్‌గా వస్తోన్న ఈ చిత్రం ఇప్పటికే పండుగ సీజన్‌లో హాట్ ఫేవరెట్‌గా మారింది.
అనిల్ రావిపూడి – చిరంజీవి కాంబోపై భారీ ఆశలు
బ్లాక్‌బస్టర్ ఎంటర్‌టైనర్లకు బ్రాండ్‌గా నిలిచిన దర్శకుడు అనిల్ రావిపూడి మెగాస్టార్‌తో మొదటి సారి కలిసి పని చేస్తున్నందున అంచనాలు అసాధారణ స్థాయిలో ఉన్నాయి. తాజాగా ఇచ్చిన ఇంటర్వ్యూలో ఆయన ఆసక్తికర విషయాలు వెల్లడించారు.
అనిల్ రావిపూడి మాట్లాడుతూ.. ఈ సంక్రాంతికి డబుల్ ఎంటర్‌టైన్‌మెంట్ ఇవ్వబోతున్నాం. చిరంజీవి గారిని మళ్లీ చాలా సంవత్సరాల తర్వాత ఆయన అభిమానులు కోరుకునే ఫ్యామిలీ-ఎంటర్‌టైనర్ జానర్‌లో చూపిస్తున్నాం. ఆయన టైమింగ్, ఎనర్జీ, స్టైల్ ప్రేక్ష‌కుల‌కి మంచి కిక్ ఇవ్వ‌డం ఖాయం అని చెప్ప‌డంతో ఫ్యాన్స్‌లో ఉత్సాహం మరింత పెరిగింది.
ఇక ఇప్పటికే విడుదలైన ‘మీసాల పిల్ల’ సాంగ్ యూట్యూబ్‌లో సునామీలా దూసుకుపోతోంది. మెగాస్టార్ ఎనర్జీ, ఫోక్ బీట్, ఆకట్టుకునే విజువల్స్ పండుగ మూడ్ క్రియేట్ చేశాయి. ఈ విజయంతో మూవీ టీమ్ కొత్త పాటను రిలీజ్ చేసేందుకు సిద్ధమవుతోంది. చిత్రంలో చిరంజీవి సరసన నయనతార నటించడం చిత్రానికి పెద్ద అట్రాక్షన్. వీరి కాంబో చాలా కాలం తర్వాత స్క్రీన్‌పై కనిపించబోతుండటంతో ప్రత్యేక క్రేజ్ ఏర్పడింది. విక్టరీ వెంకటేష్ ముఖ్య అతిథి పాత్రలో కనిపించనుండటం మరో హైలైట్.
వీటీవీ గణేష్, కేథరిన్, మురళీధర్ గౌడ్ కీలక పాత్రల్లో నటిస్తున్నారు.చిత్రాన్ని సాహు గారపాటి, సుష్మిత కొణిదెల షైన్ స్క్రీన్స్ & గోల్డ్ బాక్స్ ఎంటర్‌టైన్‌మెంట్ పై పెద్ద బడ్జెట్‌తో నిర్మిస్తున్నారు. ఫ్యామిలీ ఆడియన్స్‌ను లక్ష్యంగా చేసుకున్న ఈ సినిమా సంక్రాంతి రేసులో భారీ హైప్‌తో ముందంజలో ఉంది. చిరంజీవి ఈ జానర్‌లో చివరగా చేసిన సినిమాలన్నీ బంపర్ హిట్స్ కావడం… ఇప్పుడు అదే మ్యాజిక్ మళ్లీ చూడబోతున్నామన్న నమ్మకం ప్రేక్షకుల్లో ఉంది.
ఇకపై ప్రతి సంక్రాంతికి ఓ సినిమా ఇవ్వాలనుకుంటున్నా అని చెప్పటం ఫ్యాన్స్‌లో ఆసక్తిని మరింత పెంచింది. టైటిల్ నుంచి సాంగ్స్ వరకూ ఫుల్ మెగా హంగామా జరుగుతున్నా… సినిమా రిలీజ్‌తో ఈ మొత్తం హైప్ బాక్సాఫీస్ వద్ద పెద్ద సక్సెస్‌గా మారుతుందా అనేది చూడాలి.