Akhanda 2 | నందమూరి బాలకృష్ణ నటించిన ప్రస్టీజియస్ ప్రాజెక్ట్ ‘అఖండ 2 – తాండవం’ కోసం ఎదురుచూస్తున్న అభిమానులకు పెద్ద షాక్ ఇచ్చారు మేకర్స్. గత రెండు రోజులుగా సాగుతున్న ఈ హైడ్రామాకు శుక్రవారం రాత్రితో ముగింపు పలుకుతూ, ఫైనాన్షియల్ ఇష్యూల కారణంగా సినిమా ఈ వారం రిలీజ్ కావడంలేదని తెలిసిపోయింది. సినిమా విడుదలకు అడ్డుగా నిలిచిన సమస్యలను పరిష్కరించడానికి నిర్మాతలు గురువారం రాత్రి వరకు తీవ్రంగా ప్రయత్నించారు. అవి వర్కౌట్ కాకపోవడంతో, రాత్రే సినిమా వాయిదా పడుతోందని ప్రకటించారు.
అయినా సరే, నిర్మాతలు ఆశ వదులుకోలేదు. శుక్రవారం తెల్లవారినప్పటి నుండి మళ్లీ చర్చలు మొదలుపెట్టి, ఎలాగైనా సమస్యలను పరిష్కరించి కనీసం శుక్రవారం నైట్ షోలు అయినా వేయాలని ప్రయత్నించారు. ఈ వార్తతో బాలయ్య అభిమానుల్లో మళ్లీ ఆశ జిగేల్మనిపించింది.కానీ చివరికి శుక్రవారం రాత్రి వరకు కూడా ఆర్థిక సమస్యలు పరిష్కరించబడలేదు. దీంతో ఈ వారం సినిమా విడుదల అసంభవం అని తేలిపోయింది.
Akhanda 2 వాయిదాకు కారణాలు – రెండు పెద్ద అడ్డంకులు
సినిమా ఆగిపోవడానికి ప్రధాన కారణాలు :
1. లీగల్ ఇష్యూ
నిర్మాతలతో ఈరోస్ ఇంటర్నేషనల్ మధ్య ఉన్న పాత బాకీల కేసు కోర్టులో కొనసాగుతుండటం పెద్ద అవరోధంగా మారింది. ఈ లీగల్ ఇష్యూలో క్లారిటీ రాకపోవడంతో సినిమా రిలీజ్కు అనుమతి అందలేదు.
2. ఫైనాన్షియర్స్ క్లియరెన్స్
ఈరోస్ ఇష్యూ మాత్రమే కాదు, ఇతర ఫైనాన్షియర్స్ నుండి కూడా చివరి నిమిషం వరకు క్లియరెన్స్ లభించలేదు. రిలీజ్కి ముందు చేయాల్సిన ఫైనాన్షియల్ సెటిల్మెంట్లు పూర్తి కానందున వారు ‘ఓకే’ చెప్పలేకపోయారు.
కొత్త రిలీజ్ డేట్ – సోషల్ మీడియాలో ప్రచారం
అధికారిక ప్రకటన ఇంకా వెలువడకపోయినా, సోషల్ మీడియాలో రెండు అవకాశాలు చర్చలో ఉన్నాయి:
డిసెంబర్ 12 – సమస్యలు వెంటనే క్లియర్ అయితే వచ్చే వారం విడుదల చేసే అవకాశం.
డిసెంబర్ 25 (క్రిస్మస్) – సెలవులను దృష్టిలో పెట్టుకొని ఈ తేదీకి మార్చే అవకాశం ఉందని కూడా టాక్.
నిర్మాతలు త్వరలోనే కొత్త రిలీజ్ డేట్పై అధికారిక అప్డేట్ ఇవ్వనున్నారు. అప్పటివరకు బాలయ్య ఫ్యాన్స్ ఎదురుచూడక తప్పదు.