ప్రియురాలితో బోరిస్​ రహస్య వివాహం!

విధాత:బ్రిటన్​ ప్రధాని బోరిస్​ జాన్సన్​​ వివాహం చేసుకున్నట్లు .. ప్రియురాలు క్యారీ సైమండ్స్​తో శనివారం బోరిస్​ రహస్య వివాహం జరిగినట్లు News గుప్పుమంటోంది. ది సన్​, మెయిల్​ ఆన్​ సండేవర్క్​ లాంటి టాబ్లాయిడ్​లు ఈ వార్త‌ల్ని ప్రముఖంగా ప్రచురించాయి. కేవలం కొద్దిమంది గెస్టుల మధ్య.. అది కూడా చివరి నిమిషంలో వాళ్లకు ఆహ్వానం ఇచ్చినట్లు ఆ పత్రికలు రాశాయి. ప్రస్తుతం కరోనా ఆంక్షలు కొనసాగుతుండడంతో 30 మందికి మాత్రమే వివాహ వేడుకలకు అనుమతి ఉంది. ఈ నేపథ్యంలో మధ్యాహ్నం 1గం.30ని సమయంలో వివాహం జరిగిందని, సైమండ్స్​ అరగంట ఆలస్యంగా వచ్చిందని ఆ కథనాలు వెల్లడించాయి. కాగా, బోరిస్ 2019లో ప్రధాని అయ్యాక డౌనింగ్​ స్ట్రీట్​లో తన గర్ల్​ఫ్రెండ్​ సైమండ్స్​(33)తో కలిసి ఉంటున్న విషయం తెలిసిందే. పోయినేడాది ఎంగేజ్​మెంట్ చేసుకున్న ఈ జంటకు ఓ బాబు కూడా పుట్టాడు.

గతంలో బోరిస్(56)​ వివాహేతర సంబంధంతో కన్​జర్వేటివ్ పార్టీ నుంచి సస్పెండ్ అయ్యాడు. కాగా, బోరిస్​ జాన్సన్​కి ఇది మూడో వివాహం. గతంలో రెండుసార్లు విడాకులు తీసుకున్నారు. చివరిసారిగా మరీనా వీలర్​ అనే లాయర్​కి 2018లో విడాకులిచ్చారు. ఈమధ్యే బోరిస్​కు సలహాదారుడిగా పని చేసిన డొమినిక్​ కమింగ్స్.. ప్రధాని పదవికి బోరిస్​ అనర్హుడంటూ సంచలన కామెంట్స్​ చేసిన విషయం తెలిసిందే.