elephants water play| ఏనుగుల జలకలాట..వైరల్ వీడియో చూసేయండి !

విధాత : అటవీ ప్రాంతాల్లో ఏనుగుల సంచారం..విహారం సందర్శకులకు ఆహ్లాదకరమైన అనుభూతులను అందిస్తుంటాయి. అందులోనూ నదిలో ఏనుగుల జంట జలకలాటలు చూడటం మరింత కనువిందుగా అనిపిస్తుంది.  విరుంగా నేషనల్ పార్క్ ఉత్తర సెక్టార్‌లోని నది నీటిలో ఆడుకుంటున్న రెండు ఏనుగులు కనిపించాయి. అరుదైన ఈ దృశ్యాన్ని డ్రోన్ కెమెరాలతో చిత్రీకరించడంతో అది మరింత కనువిందుగా కనిపించింది.

ఆఫ్రికాలోని కాంగో దేశంలో పురాతన జాతీయ ఉద్యానవనంగా..డీఆర్సీలోని యునేస్కో ప్రపంచ వారసత్వ ప్రదేశంగా విరుంగా నేషనల్ పార్కు గుర్తింపు పొందింది. ఈ నేషనల్ పార్కులో 400కు పైగా ఏనుగులు ఆవాసం పొందుతున్నాయి. వాటి సంరక్షణకు అటవీ శాఖ అనేక చర్యలు చేపట్టింది. ఈ పార్కులో పర్వత గొరిల్లాలు, చింపాంజీలు వంటి అరుదైన వన్యప్రాణులతో జీవ వైవిద్యానికి ఆలవాలంగా కొనసాగుతుంది.

దాదాపు 7,800కిలో మీటర్ల పరిధిలో ఉగండా, రువాండా దేశాల సరిహద్దుల వెంట విస్తరించిన విరుంగా నేషనల్ పార్కు వన్యప్రాణులు, అటవీ సంపద స్మగ్లర్ల సమస్యను ఎదుర్కోంటుంది. ఆ పార్కు పరిరక్షణ విధుల్లో ఇప్పటికే 240మంది ఫారెస్టు రెంజర్లు చనిపోవడం సమస్య తీవ్రతకు నిదర్శనం. అందుకే డ్రోన్ కెమెరాలతో సైతం విరుంగా పార్కులో పహారా కొనసాగిస్తున్నారు.