Axis Bank | దేశానికి చెందిన ప్రముఖ ప్రైవేటురంగ బ్యాంకు అయిన యాక్సిస్‌ బ్యాంకు కస్టమర్లకు శుభవార్త చెప్పింది. రూ.2కోట్లలోపు విలవైన ఫిక్స్‌డ్‌ డిపాజిట్లపై వడ్డీ రేట్లను పెంచుతున్నట్లు వెల్లడించింది. పెంచిన వడ్డీ రేట్లు సోమవారం నుంచి అమలులోకి వచ్చినట్లు ప్రకటించింది. 17 నెలల నుంచి 18 నెలలలోపు కాలపరిమితి కలిగిన ఎఫ్‌డీలపై వడ్డీ రేట్లను పది బేసిస్ పాయింట్లు పెంచినట్లు చెప్పింది. బ్యాంకు ప్రస్తుతం 7 రోజుల నుంచి పదేళ్లలోపు కాల పరిమితి ఉన్న ఎఫ్‌డీలపై సాధారణ ఖాతాదారులకు 3శాతం నుంచి 7.20శాతం వరకు, సీనియర్‌ సిటిజన్లకు 3.5శాతం నుంచి 7.85శాతం వరకు వడ్డీ చెల్లిస్తున్నది. 17 నెలల నుంచి 18 నెలల లోపు కాలపరిమితి ఎఫ్‌డీలపై సాధారణ ఖాతాదారులకు గరిష్ఠంగా 7.20శాతం, సీనియర్‌ సిటిజన్లకు గరిష్ఠంగా 7.85శాతం వడ్డీ రేటును బ్యాంకు చెల్లిస్తుంది. సాధారణ ఖాతాదారులతో పోలిస్తే సీనియర్‌ సిటిజన్లకు 50 బేసిస్ పాయింట్లు ఎక్కువగా వడ్డీను యాక్సిస్‌ బ్యాంక్‌ చెల్లిస్తున్నది.
కాలపరిమితి.. వడ్డీ రేట్లు ఇలా..
- 29 రోజుల కాలపరిమితి ఉన్న ఎఫ్‌డీలపై 3శాతం వడ్డీ రేటును బ్యాంకు చెల్లిస్తుంది.
- 30 – 45 రోజుల కాలపరిమితి కలిగిన ఎఫ్‌డీలపై 3.50శాతం వడ్డీ వర్తిస్తుంది.
- 46 – 60 రోజుల కాలపరిమితి ఉన్న ఎఫ్‌డీపై 4.20శాతం వడ్డీ అందనున్నది.
- 61 రోజుల నుంచి 3నెలల వరకు కాలపరిమితి ఎఫ్‌డీలపై 4.50శాతం వడ్డీ చెల్లిస్తున్నది.
- 3 నుంచి 6 నెలల వరకు కాలపరిమితి ఉన్న ఎఫ్‌డీలపై బ్యాంకు 4.75శాతం వడ్డీ అందనున్నది.
- 6 నెలల నుంచి 9 నెలల వరకు కాలపరిమితి కలిగిన ఎఫ్‌డీలపై 5.75 శాతం వడ్డీ చెల్లిస్తుంది.
- 9 నుంచి ఏడాది టైమ్‌ బాండ్‌ కలిగిన ఎఫ్‌డీలపై 6శాతం వడ్డీ చెల్లించనున్నది.
- ఏడాది నుంచి 15 నెలల కాలపరిమితి కలిగిన ఎఫ్‌డీలపై 6.70శాతం వడ్డీ ఇవ్వనున్నది.
- 15 నెలల నుంచి 17 నెలల కాలపరిమితి కలిగిన ఎఫ్‌డీలపై 7.10శాతం అందిస్తుంది.
- 17 నెలల నుంచి 18 నెలల లోపు కాలపరిమితి కలిగిన ఎఫ్‌డీలపై యాక్సిస్‌ 7.20శాతం చెల్లించనున్నది.
- 18 నెలల నుంచి 5సంవత్సరాల కాలపరిమితి కలిగిన ఎఫ్‌డీలపై 7.10 శాతం వడ్డీ అందిస్తుంది.