దేశీయ ప్రముఖ ఆటోమొబైల్‌ కంపెనీ హోండా సరికొత్త బైక్‌ను లాంచ్‌ చేయబోతున్నది. ఈ బైక్‌ను సీబీ1000 హార్నెట్ పేరు పెట్టింది. ఈ మోడల్‌ బైక్‌ను 2023 ఈఐసీఎంఏ ఈవెంట్లో కంపెనీ ఆవిష్కరించింది. ప్రస్తుతం మార్కెట్‌లో ఉన్న సీబీ1000ఆర్ నియో స్పోర్ట్ కేఫ్ని ఈ సీబీ1000 హార్నెట్తో రీప్లేస్‌ చేయబోతున్నది. ఈ బైక్ డిజైన్‌ బోల్డ్‌గా, ఆకర్షణీయంగా ఉన్నది. డుకాటీ స్ట్రీట్‌ ఫైటర్‌ జెట్‌ డిజైన్‌ను పోలినట్టు ఉంటుంది.
ఇందులో ఫుల్ ఎల్ఈడీ హెడ్లైట్, రెసెస్డ్ ఫ్యూయెల్ ట్యాంక్‌ ఉండగా.. టెయిల్ సెక్షన్.. సీబీ1000ఆర్‌ను పోలి ఉంది. బైక్‌లో 999 సీసీ, లిక్విడ్ కూల్డ్, 16 వాల్వ్, ఇన్ లైన్ 4 సిలిండర్ ఇంజిన్ ఉంటుంది. 150 హెచ్పీ పవర్ని జనరేట్ చేయనున్నది. బైక్ సస్పెన్షన్స్ కోసం ఫ్రెంట్లో షోవా ఇన్వర్టెడ్ ఫోర్క్స్ని, రేర్లో ప్రో-లింక్ మోనో షాక్ యూనిట్స్‌ను ఉపయోగించారు. హోండా ఈ బైక్‌లో సరికొత్త టెక్నాలజీని వాడుతున్నది.
సీబీ1000 హార్నెట్లో రైడ్ బైవైర్‌ సిస్టమ్‌తో పాటు 5 ఇంచ్ ఫుల్ కలర్ టీఎఫ్టీ స్క్రీన్, 5 రైడింగ్ మోడ్స్‌ ఉండనున్నాయి. ఈ మోడల్‌ వచ్చే ఏడాది లాంచ్‌ అయ్యే అవకాశాలున్నాయి. బిగ్‌వింగ్‌ డీలర్‌షిప్‌ ద్వారా ఈ బైక్ సేల్స్‌ జరుగనున్నట్లు కంపెనీ పేర్కొంది. అయితే, ఈ ప్రీమియం బైక్ ధర.. భారత్‌లో ఎప్పుడు లాంచ్‌ అవుతుంది? ఫీచర్స్‌, మైలేజ్‌ ఎంత ఇస్తుంది? తదితర వివరాలు తెలియాల్సి ఉంది. దీనిపై ఇంకా కంపెనీ అధికారికంగా ప్రకటించాల్సి ఉంది.