ముంబయి: ICICI ప్రూడెన్షియల్ లైఫ్ ఇన్సూరెన్స్ మార్చి 31, 2025తో ముగిసిన ఆర్థిక సంవత్సరంలో నికర లాభం 39.6% పెరిగి రూ.1,189 కోట్లకు చేరినట్లు ప్రకటించింది. కొత్త వ్యాపార విలువ (VNB), భవిష్యత్ లాభాల వర్తమాన విలువను సూచిస్తూ, FY25లో రూ.2,370 కోట్లుగా నమోదైంది. VNB మార్జిన్ 22.8%గా ఉంది. బోర్డు FY2025 కోసం ఒక్కో ఈక్విటీ షేరుకు ₹0.85 చొప్పున తుది డివిడెండ్‌ను ఆమోదించింది. మొత్తం వార్షిక ప్రీమియం సమానం (APE) FY25లో 15% పెరిగి ₹10,407 కోట్లకు చేరింది. రిటైల్ ప్రొటెక్షన్ వ్యాపార APE 25.1% పెరిగి ₹598 కోట్లకు చేరగా, అన్యూటీ వ్యాపారం రెండేళ్ల సమ్మిళన వార్షిక వృద్ధి రేటు (CAGR) 31.4%గా నమోదైంది.
కంపెనీ ప్రకారం.. రిటైల్ కొత్త వ్యాపార హామీ మొత్తం (NBSA) FY25లో 37% పెరిగి ₹3.32 లక్షల కోట్లకు చేరింది. కస్టమర్లు తీసుకున్న లైఫ్ కవర్ మొత్తమైన మొత్తం ఇన్-ఫోర్స్ హామీ మొత్తం 15.6% పెరిగి ₹39.43 లక్షల కోట్లకు చేరింది. ఐసీఐసీఐ ప్రూడెన్షియల్ లైఫ్ ఇన్సూరెన్స్ ఎండీ, సీఈవో అనూప్ బాగ్చీ మాట్లాడుతూ… “FY25లో 15.2% రిటైల్ వెయిటెడ్ రిసీవ్డ్ ప్రీమియం (RWRP) వృద్ధి, పోటీ వాతావరణంలో ఉన్నత పనితీరును అందించే మా సామర్థ్యాన్ని చూపిస్తుంది. ఇది FY25లో నికర లాభం 39.6% పెరిగి రూ.1,189 కోట్లకు చేరడానికి దారితీసింది. FY25 కొత్త వ్యాపార విలువ ₹2,370 కోట్లుగా, 22.8% మార్జిన్‌తో నమోదైంది” అని పేర్కొన్నారు.