Curry Leaves | వంటకాల్లో కరివేపాకుకు చాలా ప్రాధాన్యత ఉంది. కరివేపాకు లేకుండా ఏ వంటకాన్ని కూడా చేయరు. కాబట్టి చాలా మంది తమ ఇంట్లోనే కరివేపాకు మొక్కలను నాటి పెంచుకుంటుంటారు. ఎప్పుడంటే అప్పుడు తాజాగా కరివేపాకును తెంచి వంటకాల్లో వేస్తుంటారు. అయితే కరివేపాకు మొక్కను ఇంటి ఆవరణలో పెంచుకోవచ్చా..? ఒక వేళ పెంచుకోవాలనుకుంటే ఏ దిశలో పెంచుకోవాలి..? అనేది కూడా చాలా ఇంపార్టెంట్. ఎందుకంటే వాస్తు ప్రకారం కనుక మొక్కలను పెంచకపోతే ఆ ఇంట్లో దరిద్రం వెంటాడుతుంది. కాబట్టి కరివేపాకు మొక్కను ఏ దిశలో పెంచాలో తెలుసుకుందాం..
వాస్తు శాస్త్రం ప్రకారం ఇంటికి పడమర వైపు కరివేపాకులను నాటడానికి అనువైన ప్రదేశంగా భావిస్తారు. ఈ పశ్చిమ దిక్కు చంద్రుని దిశగా పరిగణించబడుతుంది. ఈ దిశలో ఏదైనా దేశీయ మొక్కను నాటడం శుభ ఫలితాలను ఇస్తుంది. కనుక కరివేపాకు మొక్కను ఈ దిశలో నాటడం ద్వారా.. ఆ మొక్క ప్రతికూల శక్తిని తొలగిస్తుంది. అయితే ఈ ప్రాంతంలో ఇతర మొక్కలు లేదా చెట్లను నాటవద్దు.
కరివేపాకు మొక్క పక్కన చింత చెట్టుని పెంచవద్దు. ఇది మీ ఆర్థిక స్థితిని తీవ్రంగా ప్రభావితం చేస్తుంది కరివేపాకును ఆరోగ్య పరంగా కూడా చాలా ప్రయోజనకరంగా పరిగణిస్తారు. కరివేపాకు క్యాన్సర్ , మధుమేహం నుండి ఉపశమనం కలిగిస్తుంది. దీని ఆకులలో యాంటీ మ్యుటాజెనిక్ గుణాలు ఉన్నాయి. ఇవి కడుపు క్యాన్సర్ను తొలగించడంలో సహాయపడతాయి. అంతే కాదు గుండె జబ్బులు రాకుండా చేయడంలో ఇది చాలా మేలు చేస్తుంది. కరివేపాకు కళ్లకు కూడా మంచిదని భావిస్తారు.