మేషం
మేషరాశి వారికి ఈ రోజు సామాన్యంగా ఉంటుంది. బంధువుల ఇంట్లో శుభకార్యాలకు హాజరవుతారు. భావోద్వేగాలను అదుపులో ఉంచుకోవడం అవసరం. ఈ రోజంతా అనారోగ్య సమస్యలు ఇబ్బంది పెడతాయి. వృత్తి, వ్యాపారాలలో తీవ్రమైన ఒత్తిళ్లు, బంధువులతో మనస్పర్థల కారణంగా చికాకుతో ఉంటారు. కోపాన్ని అదుపులో ఉంచుకోవడం అవసరం.
వృషభం
వృషభరాశి వారికి ఈ రోజు ప్రతికూల ఫలితాలు గోచరిస్తున్నాయి. అన్ని రంగాల వారికి వృత్తి, వ్యాపారాలలో పనిభారం పెరుగుతుంది. దీనితో తీవ్ర ఒత్తిడికి లోనవుతారు. ఉద్యోగులు సకాలంలో పనులు పూర్తి చేయలేక పై అధికారుల ఆగ్రహానికి గురవుతారు. కోర్టు వ్యవహారాలు, ప్రయాణాలు వాయిదా వేస్తే మంచిది. ఆరోగ్యంపై శ్రద్ద పెట్టండి. కొత్త పనులు ప్రారంభించవద్దు.
మిథునం
మిథునరాశి వారికి ఈ రోజు సంతోషంగా, ఉత్సాహంగా ఉంటుంది. ఉద్యోగంలో హోదా పెరగడం, సమాజంలో కీర్తి ప్రతిష్టలు పెరగడం వల్ల మీ బంధువులలో మీపై గౌరవం పెరుగుతుంది. కుటుంబసభ్యులతో విహారయాత్రలకు వెళతారు. ఆరోగ్యం బాగుంటుంది. మానసికంగా ప్రశాంతంగా ఉంటారు. నూతన వస్తు, వాహనాలు కొనుగోలు చేస్తారు.
కర్కాటకం
కర్కాటకరాశి వారికి ఈ రోజు అదృష్టదాయకంగా ఉంటుంది. ముఖ్యంగా వ్యాపారులకు చాలా అదృష్టవంతమైన రోజు. ఉద్యోగులకు స్నేహితుల నుంచి, సహోద్యోగుల నుంచి సంపూర్ణ సహకారం ఉంటుంది. ఉన్నతాధికారులతో సత్సంబంధాలు నెలకొంటాయి. ప్రమోషన్ వచ్చే ఛాన్స్ ఉంది. కుటుంబ సౌఖ్యం ఉంటుంది.
సింహం
సింహరాశి వారికి ఈ రోజు మిశ్రమ ఫలితాలు ఉంటాయి. వృత్తి, వ్యాపారాలలో శ్రమకు తగిన ఫలితాలు ఉంటాయి. సృజనాత్మకతతో విన్నూత్నంగా ఆలోచించి అందరి దృష్టిని ఆకర్షిస్తారు. సన్నిహితులతో చిన్నపాటి కలహాల కారణంగా కోపావేశాలతో ఉంటారు. కోపాన్ని అదుపులో ఉంచుకొని ముఖ్యమైన పనుల మీద దృష్టి సారిస్తే మంచిది. ఆరోగ్యం బాగుంటుంది.
కన్య
కన్యారాశి వారికి ఈ రోజు సామాన్యంగా ఉంటుంది. సోమరితనం, బద్దకం కారణంగా ఏ పనులూ సమయానికి పూర్తి చేయలేక పోతారు. కీలక నిర్ణయాలు తీసుకునే సమర్ధత లోపిస్తుంది. జీవితభాగస్వామితో కలహాలకు ఆస్కారముంది. కుటుంబ సభ్యుల అనారోగ్యం ఆందోళన కల్గిస్తుంది. స్థిరాస్తి వ్యవహారాలు, కోర్టు వ్యవహారాలు వాయిదా వేస్తే మంచిది.
తుల
తులారాశి వారికి ఈ రోజు అనుకూలంగా ఉంటుంది. విహారయాత్రలపై అధికంగా ఆసక్తి చూపిస్తారు. సన్నిహితులతో కలిసి ఉత్సాహంగా, ఆనందంగా ఉంటారు. వ్యక్తిగతంగా గొప్ప శుభఫలితాలు ఉంటాయి. కుటుంబ వ్యవహారాలు అనుకూలిస్తాయి. వృత్తిపరంగా శత్రువుల మీద విజయం సాధిస్తారు. చేపట్టిన అన్ని పనుల్లో జయం మీదే! ఆదాయం పదింతలు పెరుగుతుంది.
వృశ్చికం
వృశ్చికరాశి వారికి ఈ రోజు సాధారణంగా ఉంటుంది. అన్ని రంగాల వారికి శ్రమతో కూడిన ఫలితాలు ఉంటాయి. అనవసరపు ఖర్చులను నియంత్రణలో పెట్టుకోవాలి. ఇతరులతో మాట్లాడే తీరు మర్యాదగా ఉండేలా జాగ్రత్త వహించండి. ప్రతికూల ఆలోచనలకు, నిరాశావాదానికి దూరంగా ఉండండి.
ధనుస్సు
ధనుస్సురాశి వారికి ఈ రోజు ఆనందదాయకంగా ఉంటుంది. కుటుంబ సభ్యులతో తీర్థయాత్రలకు వెళ్లే అవకాశాలున్నాయి. ఆదాయం పెరగడంతో ఉల్లాసభరితంగా ఉంటారు. సంతోషకరమైన అనుభూతి చెందుతారు. ఆరోగ్యం బాగుంటుంది. కుటుంబంలో శుభకార్యాలు జరుగుతాయి. బంధు మిత్రులతో సంతోషంగా గడుపుతారు.
మకరం
మకరరాశి వారికి ఈ రోజు సామాన్యంగా ఉంటుంది. గ్రహసంచారం అనుకూలంగా లేనందున అన్ని రంగాల వారు చేసే ప్రతి పనిలోనూ ఆచితూచి అడుగులు వేయాల్సి ఉంటుంది. ఉద్యోగులకు పనిభారం పెరుగుతుంది. సహోద్యోగుల సహకారం ఉంటుంది. ఆదాయాన్ని మించిన ఖర్చులు ఉంటాయి. కుటుంబ సభ్యులతో, బంధువులతో కలహాలు మనస్తాపం కలిగిస్తాయి.
కుంభం
కుంభరాశి వారికి ఈ రోజు శుభప్రదంగా ఉంటుంది. అదృష్టం వరించి పట్టిందల్లా బంగారం అవుతుంది. కొత్త ప్రాజెక్టులు, అసైన్మెంట్లు మొదలు పెట్టడానికి ఈ రోజు శుభకరంగా ఉంటుంది. వృత్తి పరంగా ఉన్నత స్థానానికి చేరుకుంటారు. సామాజికంగా మంచి కీర్తి ప్రతిష్ఠలు సాధిస్తారు. అవివాహితులకు వివాహం నిశ్చయమవుతుంది. ఉద్యోగాన్వేషణలో ఉన్నవారు త్వరలో శుభవార్తలు వింటారు.
మీనం
మీనరాశి వారికి ఈ రోజు అనుకూలంగా ఉంటుంది. ముఖ్యంగా వ్యాపారులకు ఈ రోజు చాలా అనుకూలమైన రోజు. వ్యాపార విస్తరణ కోసం మీరు చేసే ప్రయత్నాలు విజయానికి దారితీస్తాయి. మీ పై అధికారుల మీ పనితీరు పట్ల సంతృప్తి వ్యక్తం చేస్తారు. పదోన్నతికి కూడా అవకాశం ఉంది. వ్యాపారులు వ్యాపారంలో రాణిస్తారు. అధిక లాభాలను అందుకుంటారు.