HONOR Magic 6 | చైనాకు చెందిన ప్రముఖ మొబైల్‌ కంపెనీ హానర్ సరికొత్త స్మార్ట్ఫోన్ సిరీస్‌కు లాంచ్‌కు రంగం సిద్ధం చేసింది. హానర్ మేజిక్ 6 సిరీస్ మొబైల్‌ను తీసుకువస్తున్నది. ఈ సిరీస్లో మూడు ఫోన్లు విడుదల చేయనున్నది. ఇందుకు సంబంధించిన వివరాలు ఆన్‌లైన్‌లో లీక్‌ అయ్యాయి. లాంచ్ డేట్‌తో పాటు ఫీచర్స్‌, ధర వివరాలు తెలుసుకుందాం రండి..!
మేజిక్ 6 సిరీస్ జనవరి 11న లాంచ్
ఆన్‌లైన్‌ లీక్‌ అయిన సమాచారం మేరకు హానర్ మేజిక్ 6 సిరీస్ చైనాలో వచ్చే ఏడాది జనవరి 11న లాంచ్ కానున్నది. కంపెనీ గ్రాండ్‌ ఈవెంట్‌ను ఏర్పాటు చేస్తున్నది. ఇందులోనే మేజిక్ 6 సిరీస్‌ను లాంచ్ చేయనున్నది. నివేదిక ప్రకారం.. హానర్ మేజిక్ 6 సిరీస్లో స్నాప్‌ డ్రాగన్‌ 8 జెన్ 3 ప్రాసెసర్, క్వాడ్- కర్వ్డ్ ఓఎల్ఈడీ ప్యానెల్తో రానున్నది. డ్యూయెల్ ఫ్రెంట్ ఫేసింగ్ కెమెరాల కోసం పిల్ షేప్ కటౌట్ డిజైన్ రానున్నట్లు తెలుస్తున్నది.
ఈ స్మార్ట్ఫోన్ సిరీస్లో 50ఎంపీ ఓమ్నీ విజన్ ఓవీ50కే ప్రైమరీ కెమెరా ఉండనున్నట్లు సమాచారం. టాప్ ఎండ్ మోడల్ హానర్ మేజిక్ 6 ప్రోలో 2వే శాటిలైట్ కనెక్టివిటీ అందుబాటులో ఉంటుందని టాక్‌. మేజిక్ ఓఎస్ 8.0 సపోర్ట్ చేసే ఆన్ డివైజ్ జెనరేటివ్ ఏఐ కెపబులిటీ ఫీచర్స్‌ పరిచయం చేయనున్నట్లు తెలుస్తున్నది.
మరో స్పెషల్ ఎడిషన్ సైతం..
మేజిక్ 6 సిరీస్తో పాటు స్పెషల్ ఎడిషన్ని సైతం హానర్ లాంచ్ చేయాలని భావిస్తున్నది. ఈ డివైజ్ పేరు హానర్ మేజిక్ 6 పోర్షే ఎడిషన్. ఐకానిక్ పోర్షే 911 స్పోర్ట్స్ కార్లోని డిజైన్ ఎలిమెంట్స్ కొత్త గాడ్జెట్‌లో ఉంటాయని తెలుస్తున్నది. స్పెసిఫికేషన్స్ మాత్రం మేజిక్ 6 ప్రోని పోలి ఉంటాయని, ఇంకా 160 ఎంపీ పెరిస్కోపిక్ టెలిఫొటోలెన్స్ ఉంటుందని తెలుస్తున్నది. అయితే, మేజిక్ సిరీస్ ఫోన్లకు ఫీచర్స్‌ను అధికారికంగా ప్రకటించాల్సి ఉంది. అలాగే, ఫోన్ల ధరలపై స్పష్టత లేదు. లాంచ్ ఈవెంట్‌ నాటికి పూర్తి వివరాలు తెలిసే అవకాశం ఉన్నది.