మేష రాశి: పెద్దలతో గౌరవంగా నడుచుకుంటారు. మీ ప్ర‌జ్ఞా పాటవాలకు గుర్తింపు లభిస్తుంది. బంధు మిత్రులమూలక లాభములుంటాయి. శుభకార్యమూలక ధనవ్య‌యముంటుంది. ఆరోగ్యం సహకరిస్తుంది.
వృష‌భ రాశి: వృత్తి, ఉద్యోగాలలో మీ శ్రమకు గుర్తింపు లభిస్తుంది. శరీర ఆరోగ్యముతో ఉల్లాసం లభిస్తుంది. శ‌త్రువుల‌తో సంధి ఏర్ప‌డే అవ‌కాశాలు. ఇంటికి సంబంధించిన ప‌నుల‌పై శ్ర‌ద్ద పెరుగుతుంది. బంగారు వస్తువులు కొనుగోలు చేస్తారు.
మిథున రాశి: వ్యాపార వ్యవహారాలలో వివాదాలు చోటు చేసుకుంటాయి. భయం మూలకంగా మనశ్చాంచల్యము కలుగుతుంది. జ్వ‌రాది స్వ‌ల్ప దేహ‌బాధలుండవచ్చును. ఆర్థిక వ్యవహారాలు ప్రతికూలిస్తాయి. సోమరితనము వలకు పనులు ఆలస్యమౌతాయి.
కర్కాటక రాశి: ప్రభుత్వ కార్యాలయాలలో పనులు తొందరగా పూర్తికాకపోవడం వలన అశాంతికిలోనౌతారు. వాహన మూలక అసౌకర్యము ఏర్పడవచ్చును. ప్రయాణములు ఎక్కువ. రాజకీయ నాయకులకు అనుకోని ఇబ్బందులు కలుగవచ్చును.
సింహ రాశి: కోర్టు వ్యవహారాలు అనుకూలిస్తాయి. ఇష్టమైన వ్య‌క్తుల‌తో కలయికలుంటాయి. సంభాషణలు ఆనందాన్ని కలిగిస్తాయి. మనోల్లాసము లభిస్తుంది. వైద్య రంగంలోని వారికి అనుకూల వాతావరణముంటుంది.
కన్యా రాశి: మీ మాట తీరుపై విమర్శలు రావచ్చును. శరీర బాధలకు ఔషధ సేవనము చేయుదురు. వస్తు నష్టములు, ధనవ్యయము కలుగవచ్చును. స్థిరాస్థి వ్య‌వ‌హార‌ములను వాయిదా వేయడం మంచిది. కుటుంబ మూలక అశాంతి ఏర్పడవచ్చును.
తులా రాశి: అద్భుతమైన ప్రసంగాలను వింటారు. ఆనందమయమైన జీవనము లభిస్తుంది. శరీరోల్లాసము కలుగుతుంది. తృప్తికరమైన భోజనం లభిస్తుంది. బహుమానములు పొందుతారు. ధనప్రాప్తి కలుగుతుంది.
వృశ్చిక రాశి: బంధు మిత్రుల మూలకంగా అశాంతి కలుగవచ్చును. దూరప్రయాణములు చేయకపోవడం మంచిది. చేస్తున్న పనులను మధ్యలోనే వదిలేయవలసి వస్తుంది. కోపం వలన అవమానములను ఎదుర్కొంటారు.
ధనుస్సు రాశి: క్ర‌య విక్రయములు మూలకంగా లాభముంటుంది. శుభకార్యములకు పెద్దల ఆశీస్సులు లభిస్తాయి. ఇష్టమైన వ్యక్తులు ఇంటికి రావడం ఆనందాన్ని కలిగిస్తుంది. కుటుంబముతో కలిసి ఉల్లాసంగా వుంటారు.
మకర రాశి: సన్మాల‌ను పొందే అవకాశము, రావలసిన ధనం చేతికందుతుంది. ప్రయత్నకార్యములు సిద్ధిస్తాయి. ఇతరులకు సహాయ సహకారాలు అందిచే అవకాశం లభిస్తుంది. అక్కా చెల్లెలల స‌హ‌కారం ఆనందాన్ని కలిగిస్తుంది.
కుంభ రాశి: వాహన మూలక చికాకులు కలుగుతాయి. పితృ వర్గము వారితో విభేదాలు, శరీరమందు వేడి వలన బలహీనత కలుగవచ్చును. శ్రమ ఎక్కువగా వుంటుంది. గుర్తింపు తక్కువగా వుంటుంది. కార్యసిద్ధికై ఇతరులను ఆశ్రయించ వలసివస్తుంది.
మీన రాశి: వివాహ ప్రయత్నములు వాయిదా వేయడం మంచిది. వాక్కాఠిన్యము వలన ఇబ్బందులు ఎదుర్కొంటారు. వృథా వ్యయము కలుగుతుంది. భోజనము రుచించదు. విమర్శలనెదుర్కొంటారు.
– తూండ్ల కమలాకర శర్మ సిద్ధాంతి,
కూకట్‌పల్లి, హైదరాబాద్
ఫోన్‌ నంబర్‌ : +91 99490 11332.