Lifestyle : రెడ్ ఫ్లాగ్..! ఈ మధ్యకాలంలో ఈ పదం తరచూ వినిపిస్తున్నది. ‘రెడ్ ఫ్లాగ్’ అంటే ఒక బంధంలో కానీ, ఒక వ్యక్తి ప్రవర్తనలోకానీ ఇబ్బందికి గురిచేసే లక్షణాలు. అభ్యంతరకరమైన ప్రవర్తనను కలిగి ఉండటం. ఉదాహరణకు మీరు మీ భార్యకు సాయంత్రం ఆఫీస్‌ నుంచి వచ్చేసరికి అందంగా ముస్తాబై ఉండమని చెప్పారు. కానీ ఆమె ముస్తాబు కాలేదు. అది ఆమెలో మీకు కనిపించే రెడ్ ఫ్లాగ్. అదేవిధంగా భార్య మల్లెపూలు తీసుకురమ్మని భర్తను కోరితే.. అతడు ఆమె మాటకు అంతగా ప్రాధాన్యం ఇవ్వకుండా తీసుకురాకపోవడం. అది అతనిలో ఆమెకు కనిపించే రెడ్ ఫ్లాగ్. మరి సంసారంలో ఇలాంటి రెడ్ ఫ్లాగ్స్‌ ఎక్కువైతే బంధం బలహీనపడుతుంది.
కాబట్టి ఇలాంటి రెడ్ ఫ్లా్గ్స్‌ను ఎప్పటికప్పుడు గుర్తిస్తూ పరస్పరం పరిష్కరించుకుంటూపోతే సమస్య జఠిలం కాకుండా ఉంటుంది. సంసార జీవితంలోనే కాదు, శృంగార జీవితంలో కూడా భార్యాభర్తల మధ్య ఇలాంటి రెడ్ ఫ్లాగ్స్‌ ఉంటాయి. ఒకరికి నచ్చని పనులు ఒకరు చేస్తుంటారు. మొహమాటంతో ఇలాంటి రెడ్ ఫ్లాగ్స్‌ను భాగస్వామికి ఎప్పటికప్పుడు వివరించి పరిష్కరించుకోకపోతే శృంగారంలో మజా ఉండదు. రానురాను అదొక అనవసరమైన పనిగా అనిపిస్తుంది. ఇది కూడా భార్యాభర్తల బంధాన్ని బలహీనం చేస్తుంది. కాబట్టి శృంగారాన్ని ఎంజాయ్‌ చేయాలంటే రెడ్ ఫ్లాగ్స్‌ను గమనిస్తూ.. భాగస్వామితో చర్చిస్తూ పరిష్కరించుకోవాలి. మరి ఆ రెడ్‌ఫ్లాగ్స్‌ ఏమిటో ఇప్పుడు తెలుసుకుందాం..
రెడ్ ఫ్లాగ్స్‌
- శృంగార సమయంలో పార్ట్‌నర్ మనస్సును అర్థం చేసుకోకుండా నా మాటే నెగ్గాలి అన్నట్లు ప్రవర్తించడం
- ఏమైనా కొత్త భంగిమలు ప్రయత్నించాలనుకున్నప్పుడు అవతలి వారికి కంఫర్ట్‌గా ఉందో లేదో అడగకుండా ఇష్టమొచ్చినట్లు ప్రవర్తించడం
- నీకు ఎలా అనిపించినా నాకు అనవసరం.. నాకు నేను సుఖాన్ని అనుభవించడమే ముఖ్యం అన్నట్టు సెల్ఫిష్‌గా వ్యవహరించడం
- శృంగారం అనంతరం నా పని అయిపోయింది అన్నట్లు భాగస్వామిని పట్టించుకోకుండా పక్కకు తిరిగి పడుకోవడం
- భాగస్వామి ఎమోషన్స్‌కి ఏమాత్రం విలువ ఇవ్వకుండా తన శరీరంతోనే పని అన్నట్లుగా ప్రవర్తించడం
- శృంగారంలో అవతలి వ్యక్తి ఇష్టాఇష్టాలను తెలుసుకోకుండా తనకు నచ్చినట్లే చేయడం
- ఇలాంటి రెడ్‌ఫ్లాగ్స్‌ మీలో ఉంటే వెంటనే మారండి. మీ జీవిత భాగస్వామిలో ఉంటే మార్చుకోండి. ఈ రెండూ చేయగలిగితే మీరు శృంగారంలో శిఖరాలను అధిరోహించవచ్చు. భార్యాభర్తల బంధాన్ని బలోపేతం చేసుకోవచ్చు.